Táýelsizdiktiń uly murattary jolyndaǵy paryz ben jaýapkershiliktiń búkilhalyqtyq merekesi - QHA
ASTANA. QazAqparat - Qazaqstan halqy Assambleıasynyń Keńesi barsha qazaqstandyqtardy Otan qorǵaýshy kúnimen quttyqtady.
Qurmetti otandastar!
Qazaqstan halqy Assambleıasy Sizderdi Otan qorǵaýshy kúnimen shyn júrekten quttyqtaıdy!
Bul - qazaqstandyq patrıotızm men azamattyq kemeldiktiń, Azattyq pen Táýelsizdiktiń uly murattary jolynda Otanǵa adal qyzmet etýdiń sımvolyna aınalǵan paryz ben jaýapkershiliktiń búkilhalyqtyq merekesi.
Táýelsizdigimizdiń 25 jyldyǵy jyly Otan qorǵaýshylar kúni bizdiń elimiz ben halqymyzdyń basty ustanymdarynyń erekshe jarqyn sımvoly bolyp tabylady.
Biz júreginiń qalaýymen jáne kásibı boryshyna saı «Otan qorǵaýshy» degen bıik ataqqa ıe bolyp júrgenderdi bul kúni saltanatty túrde ulyqtaımyz.
Biz óz ómirin Otanyna qyzmet etýge arnaǵan rýhy kúshti adamdarǵa - shashtaryn qyraý shalǵan jáne keýdesi nagradaǵa toly maıdangerlerden bastap, qazirgi Qazaqstannyń Qarýly Kúshteriniń el múddesin, beıbitshilik pen azamattarymyzdyń qaýipsizdigin senimdi túrde qorǵap, áskerı qyzmetti laıyqty atqaryp júrgen sarbazdaryna, ofıtserleri men generaldaryna degen qurmetimizdi bildiremiz.
Qurmetti Otan qorǵaýshylar!
Osynaý kúni ózderińizge degen densaýlyq, baqyt, tynyshtyq pen bereke tilegen eń izgi tilekterimizdi qabyl alyńyzdar.
Qasıetti boryshtaryńyzdy oryndaýda árdaıym azamattylyq pen erjúrektiliktiń, rýhy beriktik pen ózine degen senimniń jáne qaısar erik-jigerdiń ónegesi bolyp qala berińizder.
Mereke qutty bolsyn!
Qazaqstan halqy Assambleıasynyń Keńesi
