«Táýelsizdiktiń aq tańy» atty jańa jýrnal óz oqyrmandaryna jol tartpaq
ASTANA. 17 qańtar. QazAqparat - 19 qańtarda Astana qalasynda «Táýelsizdiktiń aq tańy» atty respýblıkalyq qoǵamdyq-saıası jańa jýrnalynyń tusaýy kesiledi.
«Táýelsizdiktiń aq tańy» jýrnaly rýhanııat jáne mádenıet salasy, óndiris pen kásipkerlik, ishki-syrtqy týrızm, assambleıa sekildi taqyryptarǵa negizdelmek.
«Jýrnaldyń maqsaty - dúnıe júzindegi barsha halyqty yntymaq pen birlikke shaqyrý. Elimizdegi túrli ult ókilderiniń tynys-tirshiligin keńinen nasıhattaý. Sondaı-aq basylym, orta jáne shaǵyn kásipkerlikti damytý jolyndaǵy jetistikter, ishki týrızmniń búgini men erteńi týraly mol aqparattarmen qamtylady», - delingen taratylǵan habarlamada.
Alǵashqy nómirde Elbasy Nursultan Ábishuly Nazarbaevtyń balalyq shaǵy týraly maqala jaryq kórdi. Sonymen qatar qazaq ǵylymynyń keleshektegi men mán-jaıyn QR UǴA prezıdenti Murat Jurynulynyń suhbatynan oqýǵa bolady. Qazaq-úndi baılanysy qandaı deńgeıde degen saýalǵa elimizdegi Úndistannyń Tótenshe jáne Ókiletti Elshisi Ashok Kýmar Sharma myrza jaýap beredi.
Basylymnyń formaty - A4, al kólemi- 100-120 bet. Qazaqstan Respýblıkasy aýmaǵynda taralatyn jýrnal 5 myń danamen shyǵady.
