Táýelsizdiktiń 30 jylynda 170 mln sharshy metr turǵyn úı salynǵan
NUR-SULTAN. QazAqparat – Táýelsizdik jyldarynda 1,6 mıllıonnan astam qazaqstandyq jańa baspanaǵa ıe bolǵan, dep habarlaıdy QazAqparat tilshisi.
Bul týraly Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev ortalyq kommýnıkatsııalar qyzmetinde aıtty.
«Ózderińiz biletindeı, bıyl Qazaqstan Táýelsizdiginiń 30 jyldyǵyn atap ótýde. Táýelsizdik jyldarynda elimiz túrli salalarda sonyń ishinde qurylys jáne turǵyn úı-kommýnaldyq sharýashylyq salasynda aıtarlyqtaı tabystarǵa qol jetkizdi. Osy ýaqyt aralyǵynda 170 mln. sharshy metrden astam jańa turǵyn úı salynyp, 1,6 mıllıonnan astam azamattarymyz baspanamen qamtamasyz etildi», - dedi mınıstrlik ókili.
Onyń aıtýynsha, 2020 jyly osy úrdis jalǵasyp, 140 myńnan astam baspana berilgen.
«Byltyr respýblıka boıynsha 15,3 mln. sharshy metr turǵyn úı salyndy. Bul 2019 jylmen salystyrǵanda 16,8% kóp. ıAǵnı, 140 myńnan astam turǵynjaı paıdalanýǵa berildi. Turǵyn úı qurylysyna ınvestıtsııalar 2019 jylmen salystyrǵanda 33,6% - ǵa ósip, 2 trln teńgeni qurady. Memlekettik qarajattyń 1 teńgesine 5 teńge jeke ınvestıtsııalar tartyldy. 38,4 myń otbasyna áleýmettik turǵyn úı jáne jeńildetilgen qaryzdar túrinde memlekettik qoldaý kórsetildi», - dedi Qaıyrbek Óskenbaev.
