Táýelsizdiktiń 30 jyldyǵyna oraı osy aptada elordada qandaı mádenı is-shara ótedi
Osy aptada M. Gorkıı atyndaǵy Memlekettik akademııalyq orys drama teatry úsh qoıylym qoıady. 14 jáne 15 jeltoqsan kúnderi S.Seıfýllın, B.Maılın, І.Jansúgirov shyǵarmalarynan «Krylataıa ıspoved volnyh serdets» atty mýzykalyq-poetıkalyq kompozıtsııasyn kórýge bolady.
15 jeltoqsan kúni saǵat 11:00-de jáne 14:00-de jas kórermender úshin M.Sýponınniń «Koza-Dereza» ertegisin daıyndap otyr.
18 jáne 19 jeltoqsanda M. Gorkıı atyndaǵy Memlekettik akademııalyq orys drama teatry A.Ostrovskııdiń «Groza» dramasyn usynady.
«Jastar» teatry 14 jeltoqsan kúni saǵat 12:00-de jáne 14:00-de A.Faızýllınniń «Úı tańdaǵan laq» ertegisine shaqyrady.
Erteń «Naz» memlekettik bı teatrynda «Genderlik teńdik salasyndaǵy memlekettik saıasat» taqyrybynda dáris ótedi. 15 jeltoqsan kúni saǵat 17:00-de Táýelsizdiktiń 30 jyldyǵyna oraı Zaǵıpa Imanǵazynyń «Babalar salǵan sara jol» atty kontserti ótedi.
16 jeltoqsan kúni saǵat 19:00-de «Nomad City Hall» sahnasynda Táýelsizdik kúnine arnalǵan «Jas Abaı» spektakli kórsetiledi.
Mýzykalyq jas kórermen teatry 14 jeltoqsan kúni saǵat 15:00-de «Zolýshka» mýzykalyq ertegisine shaqyrady. Kúndiz kórermenderdi «Shámshi» mıýzıkli kútip tur. 17, 18 jáne 19 jeltoqsanda dál osy teatrda «Shanel №5» derekti dramasynyń premerasyn usynady. Spektakl Aljırdegi ulttyq ıntellıgentsııa áıelderiniń qaıǵy-qasireti týraly shynaıy áńgimelerge negizdelgen.
Elordalyq qýyrshaq teatry 16 jeltoqsan kúni saǵat 14:00-de jáne 16:00-de S.Júnisovtiń «Atameken» dramasyn kórsetedi. 18 jáne 19 jeltoqsanda teatr ártisteri «Jańa jyl ǵajaıyptary» qýyrshaqtar shoýymen óner kórsetedi.
«Jastar» saraıy áleýmettik jelilerdegi óz akkaýnttarynda osy aptada «ıÝbılıar 2021» sholý-tanymdyq vıktorınasyn, Qazaqstannyń Táýelsizdik kúnine arnalǵan onlaın sýretter kórmesin ótkizedi.
16 jáne 17 jeltoqsanda Astanalyq tsırk Táýelsizdiktiń 30 jyldyǵyna arnalǵan Astanalyq tsırk esigin aıqara ashady» qaıyrymdylyq tsırk baǵdarlamasyn uıymdastyrady.
15 jeltoqsanda «Atameken» Qazaqstan Kartasy» etno-memorıaldyq kesheni «Úzdik sabaq» jáne «Úzdik pedagog» onlaın konkýrstarynyń jeńimpazdaryn marapattaıdy.
15 jáne 16 jeltoqsanda ALJIR saıası qýǵyn-súrgin jáne totalıtarızm qurbandarynyń murajaı-memorıaldyq kesheni «Jeltoqsan – táýelsizdiktiń bastaýy» onlaın dárisin jáne «Jeltoqsan qaharmany» taqyrybynda slaıdtar kórmesin daıyndaıdy.
Osy aptada Sáken Seıfýllın murajaıy da onlaın formatta birqatar is-shara uıymdastyrady. Onyń ishinde dástúrli beıneekskýrsııa, «Qasıetińnen aınaldym - Táýelsizdik» ádebı keshi, «Jeltoqsan qaharmandary jáne Táýelsizdik» onlaın-fotokórmesi, «Ult maqtanyshy» derekti fılmi bar.
Tarıhı-mádenı mura eskertkishteri men obektileriniń saqtalýyn qamtamasyz etý jónindegi dırektsııa josparlaǵan is-sharalar tiziminde «Qazaqstan Táýelsizdiginiń tarıhy» dárisi, «Táýelsiz eldiń urpaǵy» onlaın-sabaǵy, «Uly Dala Eli monýmenti» onlaın-ekskýrsııasy bar.
Qalanyń ortalyqtandyrylǵan kitaphana júıesiniń bólimsheleri de 20-dan astam is-shara ótkizýde. Qazaqstan Táýelsizdiginiń 30 jyldyǵyna oraı elorda kitaphanalary kórmeler, tarıh sabaqtaryn, aqparattyq saǵattardy, onlaın-sýretter baıqaýyn, aqyndar saıysyn ótkizedi.
Barlyq josparlanǵan is-sharalar sanıtarlyq normalar men karantın talaptaryn qatań saqtaı otyryp júrgiziledi.
