Táýelsizdiktiń 30 jyldyǵyna arnalǵan «Jyr juldyzdary» múshaırasy ótti

TÚRKІSTAN. QazAqparat - Túrkistan oblysynda el Táýelsizdiginiń 30 jyldyǵyna oraı «Jyr juldyzdary» múshaırasy ótti. «Janýbıı Qozoǵıston» redaktsııasy uıymdastyrǵan múshaıraǵa oblys pen Shymkent qalasynyń aqyndary qatysty, dep habarlaıdy QazAqparat tilshisi.

Baıqaýǵa qatysýshylar táý etken Táýelsizdigimiz, elimizdiń erkindigin óz jyrlaryna qosty. Dostyq pen adamı qasıetter turaly jazylǵan óleńderin usyndy. Egemendik alǵan jyldary jetken jetistikterin jetkizdi.

Barlyq qatysýshylardyń ónerin ádil-qazylar tarazylap, baıqaý jeńimpazdaryn dıplomdarmen jáne baǵaly syılyqtarmen marapattady.

Oblystyq «Qoǵamdyq kelisim» mekemesiniń basshysy Elmıra Janǵazıeva bas júldeni ıelengen aqyndarǵa baǵaly syılyqtar tabystady. Óz shyǵarmalarymen kóptiń iltıpatyna ıe bolǵan qatysýshylar Qazaqstan ózbekteri «Dýstlık» qaýymdastyǵynyń «Dýstlık» medalimen marapattaldy.

Eske salaıyq, buǵan deıin Túrkistan oblysynyń Saıram aýdanynda «Máńgilik el jyrlaıdy» respýblıkalyq aqyndar aıtysy ótti.