Táýelsizdiktiń 30 jyldyǵyna arnalǵan H qysqy oqýshylar gımnazıadasy máresine jetti
1 jyldan astam úzilisten keıin alǵash ótkizilgen sport sharasy oqýshylar úshin ǵana emes, qoǵamdyq mańyzǵa ıe.
Sebebi Memleket basshysy balalar sportyn buqaralyq sıpatta damytý boıynsha el Úkimetine jaýapty mindet júktegen bolatyn.
Bul rette qıyndyǵy kóp qysqy sport túrlerimen aınalysatyn gımnazıada qatysýshylarynyń qajyrly eńbegi, úzdiksiz daıyndyǵy, mańdaı teri - ózge jastarǵa úlgi.
Gımnazıada qatysýshylarynyń taýdaı talabyn qoldap, sporttyq qyzyǵýshylyǵyn qurmettep Úkimet basshysynyń orynbasary Eraly Toǵjanov pen Bilim jáne ǵylym mınıstri Ashat Aımaǵambetov quttyqtaý joldaǵanyn erekshe atap ótken jón.
Sonymen qatar, gımnazıada aıasynda balalarǵa ıdeal obraz, úlgili tulǵa kórsetýdi de nazardan tys qaldyrmadyq.
Máselen, sport jetistikteri osynaý mektep oqýshylarynyń spartakıadasynan bastaý alǵan Serik Sápıev, Baqtııar Artaev, Ilıa Ilın syndy chempıondar men sport ardagerleri, birqatar álem chempıonattarynyń júldeger, jeńimpazdary jas sportshylarǵa qoldaý kórsetýge kelgeni de oqýshylar úshin umytylmas sátterge aınaldy.
Nur-Sultan jáne Petropavl qalalarynda 8 sport túrinen ótken H qysqy Qazaqstan oqýshylar gımnazıadasyna 13 óńirden 900-deı oqýshy qatysyp baq synady.
Búgin dúbirli dodanyń saltanatty marapattaý rásimi ótti.
H qysqy Qazaqstan oqýshylar gımnazıadasynda jalpykomandalyq esepte 1-oryndy Qostanaı oblysy, 2-oryndy Soltústik Qazaqstan oblysy, 3-oryndy Almaty qalasy men Nur-Sultan qalasy ıelendi.
Kelesi HІ qysqy Qazaqstan oqýshylar gımnazıadasy 2023 jyly Aqmola oblysynda ótedi.
Bıylǵy gımnazıadanyń taǵy bir ereksheligi – jarysqa qatysýshylardyń ata-analary men jaqyndary, dostary men ustazdary karantın jaǵdaıynda qashyqtan otyryp qoldaýǵa múmkindik jasaldy, ıaǵnı olar ıýtýb áleýmettik jelisi arqyly tikeleı efırden tamashalady. Jarystar ortalyqtyń ıýtýb kanalynan tikeleı efırde kórsetildi.
