Táýelsizdiktiń 30 jyldyǵy: Jańaózende eki balabaqsha paıdalanýǵa beriledi

JAŃAÓZEN. QazAqparat- Táýelsizdiktiń 30 jyldyǵy aıasynda Jańaózen qalasynda 250 oryndyq eki balabaqsha paıdalanýǵa beriledi. Bul týraly Jańaózen qalasynyń ákimi Maqsat Ibaǵarov málim etti, dep habarlaıdy QazAqparat tilshisi.

Onyń aıtýynsha, jańa balabaqshalar «Araı» shaǵyn aýdanynda jáne Rahat aýylynda ornalasady.

«Jańaózen qalasyndaǵy týý kórsetkishiniń joǵary bolýyna jáne ishki kóshi-qon protsesterine baılanysty mektepke deıingi uıymdarda oryn jetispeıdi. Qazir 4 753 mektep jasyna deıingi bala balabaqsha kezeginde tur. Bul máseleni joıý úshin 2021 jyldyń basynda Rahat aýyly «Mereı» shaǵyn aýdanyndaǵy 15 oryndyq «Samal» jeke balabaqshasy ashyldy. Jyl sońyna deıin taǵy 250 oryndyq 2 jeke balabaqshany paıdalanýǵa berý josparlanyp otyr. Nátıjesinde balabaqshamen qamtý úlesi 67,6% - dan 70,1% - ǵa deıin ósedi. Qazir 51 balabaqshada 7929 búldirshin tárbıelenýde», - dedi Maqsat Ibaǵarov.