Táýelsizdiktiń 30 jyldyǵy: Jańaqorǵanda birqatar áleýmettik nysandar ashyldy

QYZYLORDA. QazAqparat - Qyzylorda oblysynda el Táýelsizdiginiń 30 jyldyǵy qarsańynda Jańaqorǵan aýdanynda birqatar áleýmettik nysandar ashyldy, dep habarlaıdy QazAqparat tilshisi.

Atalǵan sharalarǵa oblys ákimi Gúlshara Ábdiqalyqova qatysty.

Aımaq basshysy aldymen aýdanǵa qarasty Tómenaryq aýyldyq okrýginde boldy.

Onda memlekettik-jekeshelik áriptestik aıasynda salynǵan sport kesheniniń ashylýyna qatysty Jańa ǵımarat qurylysyn «Aıarý» dara kásipkerligi júrgizgen.

Sport kesheni qazir 12 adamdy jumyspen qamtyp otyr.

Bul orynda 170-ke jýyq bala erkin kúrespen aınalysýyna múmkindigi bar. Sondaı-aq, dzıýdo jáne basketbol úıirmeleri jumys isteıdi.

Oblys ákimi balalardyń sportpen aınalysýyna qolaı jaǵdaı jasaǵan kásipkermen rızashylyǵyn bildirdi.

Sportzalda jasóspirimdermen tildesip, olarǵa aqyd-keńesin aıtty. Sondaı-aq, okrýgtegi aqsaqaldardyń aýyldy damytýǵa qajetti usynystaryn tyńdady.

Kelesi kezekte oblys ákimi Kelintóbe aýyldyq okrýginde boldy. Aýylda 4 myńǵa jýyq adam turady.

Eldi mekende kásipkerlikke den qoıǵan azamattar kóp. Bıyl aýyldyń 12 turǵyny «Bastaý bıznes» baǵdarlamasy 8 adam kásibin damytý úshin grant ıegeri atandy.

Munda óńir basshysy jańadan salynǵan ákim apparatynyń ǵımaratymen tanysty. Nysan tamyz aıynda paıdalanýǵa berilgen.

Sondaı-aq, aýdanǵa qarasyt Qandóz eldi mekeninde memlekettik-jekeshelik áriptestik aıasynda ótken jyldyń naýryz aıynda paıdalanýǵa berilgen sport kesheni jumysymen tanysty.

Onda qazir 126 bala sporttyń 3 túri boıynsha jattyǵady.

Sport kesheni arqyly 11 aýyl turǵyny turaqty jumyspen qamtylǵan.

Aýylda turǵyndar oblys basshysyna ınfraqurylym máselelerine qatysty usynys-pikirlerin aıtty.

Atalǵan máseleler aldaǵy ýaqytta kezeń-kezeńimen sheshiledi.

Óńir basshysy Prezıdent tapsyrmasyna sáıkes óńirde sport salasyn qarjylandyrýǵa mán beriledi.

Búginde 2156 balany qamtıtyn memlekettik sporttyq tapsyrysty qarjylandyrý maqsatynda bıyl 212 mln teńge bólinse, ol keler jyly 638 mln teńgege ulǵaıtylady.

Sol arqyly 4312 balany buqaralyq sportqa tartý kózdelgen.

Munan soń aımaq basshysy aýdanǵa qarasty Jańaryq eldi mekenindegi memlekettik-jekeshelik áriptestik aıasynda salynǵan aýyldyq dárigerlik ambýlatorııanyń ashylý rásimine qatysty.

Saltanatty sharada óńir basshysy ult densaýlyǵyn nyǵaıtý memlekettik saıasattyń basym baǵyttarynyń biri ekenin, dárigerlik ambýlatorııanyń ashylýy aýyl turǵyndaryna medıtsınalyq kómekti qoljetimdi etýge múmkindik beretinin tilge tıek etti.

«Memleket basshysynyń ótken jylǵy Joldaýynda densaýlyq saqtaý isiniń tıimdi modelin qurý arqyly 3 jyl ishinde barlyq aýyldyq eldi mekendi feldsherlik-akýsherlik pýnkttermen jáne dárigerlik ambýlatorııalarmen qamtamasyz etý qajettigin aıtty. Aımaqtyń barlyq aýdandarynda medıtsınalyq obektiler jańadan salynýda. Byltyr Jalaǵash aýdanynda 100 tósektik zamanaýı ortalyq aýrýhanyny paıdalanýǵa berilse, bıyl tamyz aıynda oblys ortalyǵynan modýldi juqpaly aýrýlar aýrýhanasy iske qosyldy. Jyl sońyna deıin Qazaly aýdanynan 250 adamǵa arnalǵan emhanany el ıgiligine tabystalady.

Búgin jańa ambýlatorııany memlekettik-jekeshelik áriptestik negizinde «Nysh-Er» qurylys kompanııasy qysqa merzimde salyp berdi», - dedi Gúlshara Ábdiqalyqova.

Eske salsaq, táýelsizdik jyldarynda Qyzylorda oblysyna 4 trln teńgeden astam ınvestıtsııa tartyldy.