Táýelsizdiktiń 30 jyldyǵy: Stepnogorde birqatar nysan ashyldy

KÓKShETAÝ. QazAqparat - El Táýelsizdiginiń 30 jyldyǵy aıasynda Stepnogor qalasynda 12 nysan paıdalanýǵa berildi, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Aqmola oblysynyń ónerkásiptik óndirisiniń flagmany bolyp tabylatyn Stepnogorde mashına jasaý jáne taý-ken hımııa salalarynyń iri kásiporyndary shoǵyrlanǵan, aýyl sharýashylyǵy ónimderin óndirý boıynsha óndiris qarqyny da belsendi túrde damyp keledi. Jyl basynan beri olar 141,7 mıllıard teńgege taýarlyq ónim óndirdi.

Qala quraýshy kásiporyndardan basqa qalada jol jóndeý jáne aýla aýmaqtaryn abattandyrý sııaqty áleýmettik ınfraqurylymdar damyp keledi.

Qala ákimi Alpysbaı Qaıyrjanovtyń aıtýynsha, tirshilikti qamtamasyz etý nysandaryn damytý jergilikti bıliktiń erekshe baqylaýynda.

«Bıyl qalada kóshe jáne aýlaishilik joldar jóndeldi, sondaı – aq shaǵyn aýdandardaǵy aýlalar men demalys aımaqtary abattandyryldy», - dep atap ótti ákim.

Qalanyń kishkentaı turǵyndary úshin úılerdiń aýlalary jóndelip, sporttyq nysandar, balalardyń oıyn alańdary men kúrkeler ornatyldy. Onda perımetr boıynsha fýtbol jáne basketbol alańdary jabdyqtalǵan, jaryqtandyrý júrgizilgen.

Qala turǵyndaryn balalar jáne sport aımaqtarymen jabdyqtalǵan jańa skver de qýantady.

«Qala kóz aldymyzda ózgerip jatqanyna óte qýanyshtymyz. Jyl saıyn bir nárse salynýda, jóndelýde. Jaıly ómir súrý úshin jaǵdaı jasalýda», - dedi qala turǵyny Baqytgúl Baltabaeva.

Aıta keteıik, 2021 jyldyń basynan beri Stepnogorde 50-den astam joba paıdalanýǵa berildi.