Táýelsizdiktiń 30 jyldyǵy: Oralda dzıýdodan Qazaqstan chempıonaty ótedi

ORAL. QazAqparat – Oral qalasyndaǵy tennıs ortalyǵynda QR Táýelsizdiginiń 30 jyldyǵyna oraı 19-21 qarasha kúnderi erler men áıelder arasynda Qazaqstan chempıonaty ótedi, dep habarlaıdy QazAqparat tilshisi.

Qazaqstan dzıýdo federatsııasynyń bas hatshysy Ashat Jıtkeevtiń óńirlik kommýnıkatsııalar qyzmeti alańynda ótken brıfıngide málim etkenindeı, atalmysh dodaǵa elimizdiń barlyq óńirlerinen 350-deı sportshy qatyspaqshy.

«Bul chempıonattyń mańyzdylyǵy sol, ol Tokıo olımpıadasyna keıin ótkeli otyr. Birqatar dzıýdoshylar basqa salmaq dárejelerine aýyssa, keıbireýleri sporttyq jolyn aıaqtap jatyr. Sondyqtan osy birinshilikte jańa esimder jarq etedi dep senemiz. Batys Qazaqstan oblysynan da álem chempıonatyna qatysqan Ańsarbek Ǵaınýllın, Qazaqstan spartakıadasynyń jeńimpazy Toqtar Úmitálıev sekildi sportshylar bar. Oralda el chempıonaty 2000 jyldan beri ótpegen eken. Osy birinshilikten keıin Qazaqstan ulttyq

quramasy jasaqtalatyn bolady», dedi A.Jıtkeev.

Brıfıng barysynda oblystyq dene shynyqtyrý jáne sport basqarmasynyń basshysy Qaımen Esendııarov, BQO dzıýdo federatsııasynyń prezıdenti Rýstam Shaıhıev sońǵy

jyldary óńirde dzıýdo sportynyń damýyna jaqsy jaǵdaı jasalyp otyrǵanyn, aıryqsha úmit kútetin balýandardyń bar ekendigin atap ótti.

Aıta keteıik, atalmysh sport túrimen oblysta 4 myńǵa jýyq sportshy aınalysady. Olarmen 71 jattyqtyrýshy-oqytýshy jumys jasaıdy. Ańsarbek Ǵaınýllın, Toqtar Úmitálıev,

Temirlan Kólbaı, Nursultan Zaızaǵalıev, Karına Takıeva syndy sportshylar dúbirli dodalarda el namysyn abyroımen qorǵap keledi.