Táýelsizdiktiń 30 jyldyǵy: Kólik polıtseılerine memlekettik nagradalar berildi

NUR-SULTAN. QazAqparat - Kólik polıtseıleri Nur-Sultan qalasyndaǵy «Astana» kontsert zalynyń úlken zalynda Qazaqstan Respýblıkasynyń Táýelsizdik kúnine arnalǵan saltanatty is-shara ótkizdi. Oǵan Kóliktegi polıtsııa departamentiniń basshylyǵy, jeke quramy men ishki ister organdarynyń ardagerleri qatysty, dep habarlaıdy Kóliktegi polıtsııa departamentiniń baspasóz qyzmeti.

Saltanatty is-sharany ashqan Departament bastyǵy polıtsııa general-maıory Ońal Bekeev: « 16 jeltoqsan – bul barshamyz úshin ulyq mereke. Búginde elimizdiń birligi men qoǵamdaǵy turaqtylyqty odan ári nyǵaıtý jolynda qyzmet etý - barshamyzdyń paryzymyz», - dedi.

Bas kólik polıtseıi jınalǵandardy mereıli merekemen quttyqtap, olarǵa densaýlyq, otbastaryna amandyq jáne Otanymyzdyń gúldenýi jolyndaǵy qyzmetterine tabys tiledi.

Saltanatty shara barysynda Memleket Basshysynyń atynan birqatar kólik polıtseılerine memleketter nagradalar tabys etildi.

El Prezıdenti Q.K. Toqaevtyń Jarlyǵymen óz qyzmetterin adal atqarǵandary jáne tártip pen zańdylyqty qamtamasyz etýge belsendi qosqan úlesteri úshin «Qazaqstan Respýblıkasy Táýelsizdigine-30 jyl» medali 12 kólik polıtseıine berildi. Olardyń qatarynda jedel ýákilder, tergeýshiler jáne anyqtaýshylar bar. Solardyń biri – Departamenttiń Krımınaldyq polıtsııa basqarmasynyń bólim bastyǵy Meıram Mahmetov osy medelmen nagradtaldy. Ol jedel qyzmette jıyrma bes jyldaı qyzmet atqaryp, qoǵamdyq rezonans týdyrǵan kóptegen qylmystardyń betin ashqan.

Sonymen qatar, ІIM-iniń jáne Kóliktegi PD bastyǵynyń buıryqtarymen óz qyzmetterin adal atqarǵandary úshin 80-ge jýyq qyzmetkerge tósbelgiler, gramotalar, alǵys hattar berildi. Olardyń ishinde Makınka stantsııasyndaǵy temiirjol vokzaly órtengen kezde basyn qaterge tigip, adamdardy tilsiz jaýdan qutqarǵan Qaıyrbek Toqaev jáne Atyraý qalasynda sýıtsıd jasamaq bolǵan azamatty ólimnen qutqaryp qalǵan Beksultan Jumadılov te bar. Іs-shara barysynda ishki ister organdarynyń ardagerlerine de qurmet kórsetildi.

Marapattalǵandardyń ishinde óz Otanyna adal qyzmet etýge daıyn Táýelsizdiktiń tól qurdastary da boldy.

Sondaı-aq óz qyzmettik mindetterin adal atqarǵan jáne qyzmette joǵary jetistikterge qol jetkizgen birqatar qyzmetkerlerge atqaratyn shtattyq laýazymy boıynsha kózdelgen arnaýly ataqtar merziminen buryn berildi.

Saltanatty jıynnyń sońy merekelik kontsertke ulasty.