Táýelsizdiktiń 30 jyldyǵy: BQO-da barlyq aýdandar sport keshenderimen qamtylmaqshy
BQO dene shynyqtyrý jáne sport basqarmasy málim etkenindeı, Memleket basshysynyń sporttyq ınfraqurylymdy nyǵaıtý jónindegi tapsyrmalaryn oryndaý, «100 dene shynyqtyrý-saýyqtyrý kesheni» jobasyn júzege asyrý maqsatynda bıyl «QPO b.v.»
kompanııasy esebinen Bókeı ordasy, Jánibek, Kaztalov, Terekti aýdandary men Oral qalasynda 5 dene shynyqtyrý-saýyqtyrý kesheni paıdalanýǵa berildi.
Jyl sońyna deıin Shyńǵyrlaý aýdanynda taǵy bir keshen iske qosylmaqshy.
Aqjaıyq, Kaztalov jáne Tasqala aýdanynda qurylysy júrip jatqan 3 sport keshenin aldaǵy jyldyń birinshi jartyjyldyǵynda salyp bitirý kózdelýde. Oǵan qosa 2022 jyly Aqjaıyq aýdanynyń Taıpaq, Báıterektiń Darııan jáne Syrymnyń Buldyrty aýyldarynda dene shynyqtyrý-sport keshenderiniń qurylysy bastalmaqshy.
Basqarmadan túsken málimetke qaraǵanda, 2013 jyldan beri barlyǵy 14 sport kesheni boı kóterdi. Munyń syrtynda kásipkerler óz qarajatyna 10 sport nysanyn saldy.
2021 jyldyń qorytyndysy boıynsha oblysta denesin shynyqtyryp, sportpen júıeli shuǵyldanýshylar sany 232 860 adamǵa jetti. Bul – oblys halqynyń 35 paıyzy.
Óńirde sportpen aınalysýshylar sany 1991 jylmen salystyrǵanda, 180 516 adamǵa ósti (1991 jyly – 52 344 adam).
BQO sportshylary 2021 jyly túrli jarystarda 931 medal (314 – altyn, 275 – kúmis, 342 – qola) jeńip aldy.
Óńir turǵyndarynyń dene shynyqtyrý men sportqa suranysyn qanaǵattandyrý maqsatynda 1 757 sporttyq qurylym jumys jasaıdy.
Táýelsizdik jyldary ishinde oblysta kóptegen sport nysandary salyndy, sonyń ishinde 1 muz aıdyndy sport saraıy, 26 sporttyq keshen, 4 júzý basseıni, 10 hokkeı qoraby, 1 tennıs ortalyǵy, 16 tennıs korty jáne 100-den astam sporttyq alańdy aıtýǵa bolady.
Eske sala keteıik, budan buryn Oralda bokstan erler arasynda Qazaqstan chempıonaty ótetinin jazǵan bolatynbyz.