Táýelsizdiktiń 30 jyldyǵy: Atyraýda «OTAN Life» jobasy bastaldy
Oblystyq bilim basqarmasy qosymsha bilim berý, tárbıe jumysy, ózin-ózi taný jáne bala
quqyǵyn qorǵaý bóliminiń basshysy Almagúl Qaıyrlıevanyń aıtýynsha, «OTAN Life» —
bıyl Atyraý oblysynyń bilim berý uıymdarynda iske asatyn jobalardyń negizgisi.
«Jobanyń maqsaty – óskeleń urpaqty patrıottyq rýhta tárbıeleý, olardyń boıynda
ulttyq qundylyqtardy, dástúrlerdi qurmetteý sezimderin qalyptastyrý. Jobaǵa barlyq
mekteptiń oqýshylary men kolledj stýdentteri, pedagogtar jáne ata-analar qatysa
alady. Joba tolyqqandy iske asý úshin jaýapty komıssııa quramy jasaqtalady.
Komıssııa quramyna joba jetekshisi, ata-analardyń qoǵamdyq keńesi, Analar mektebi,
Ákeler qoǵamdyq keńesi, uldar, qyzdar uıymy, «Adal urpaq», áskerı-patrıottyq,
eriktiler klýbtary, «Jas ulan» BBJU, «Mektep ınspektorynyń jas kómekshileri»
sekildi múddeli uıymdar men tulǵalar kiredi», - deıdi Almagúl Qaıyrlıeva.
Onyń aıtýyna qaraǵanda, atalmysh jobada onlaın-dárister, synyp saǵattary, debattar,
kitaptar beıneblogy, murajaılarǵa saıahat, jas ǵalymdarmen kezdesý, sýret sheberhanasy,
jas aıtysker saıysy, erekshe bilimge qajettiligi bar balalar arnalǵan, áskerı-patrıottyq klýbtar arasynda saıystar, oqýshylar arasynda esse konkýrsy jáne basqa da is-sharalar uıymdastyrylady dep kútilýde.
Eske sala ketelik, budan buryn táýelsizdiktiń 30 jyldyǵyna oraı Atyraýda «30 ıgi is»
qaıyrymdylyq aktsııasy bastalǵan edi.