Táýelsizdiktiń 25 jyldyǵyna oraı birqatar qyzmetkerler marapattaldy - Almaty oblysy

TALDYQORǴAN.QazAqparat - Almaty oblysynyń Sarqan aýdanyndaǵy Ekiasha aýyldyq okrýginiń mədenıet úıinde Qazaqstan Respýblıkasy Táýelsizdiginiń 25 jyldyǵyna arnalǵan saltanatty shara ótti. Keshte aýdan əkimi turǵyndardy Mereıli merekemen quttyqtap, 25 jylda eldi mekenniń əleýmettik-ekonomıkalyq damýyna úles qosqan birqatar jandarǵa "aýdannyń qurmetti azamaty" ataǵyn berdi. Olardyń qatarynda, aýdannyń ekonomıkalyq jáne áleýmettik salalaryn damytýǵa sińirgen eńbegi úshin Ómirəlıev Talǵat Əbenuly, densaýlyq saqtaý isine sińirgen aıryqsha eńbegi men qoǵamdyq jumysqa belsendi at salysqany úshin Tilemisov Túıebaı, Sarqan aýdannyń aýyl sharashylyǵy salasyna sińirgen aıryqsha eńbegi men qoǵamdyq jumysqa belsene at salysqany úshin Dýshkın Sergeı Nıkolaevıch bar.

Sondaı-aq túrli salanyń qyzmetkerlerin qurmet gramotasy jəne alǵys hattarmen marapattady.

Shara sońy kontsertke ulasty. Keshke Qazaqstan Respýblıkasynyń Mádenıet jáne sport mınıstrligi Tilderdi damytý jáne qoǵamdyq-saıası jumys komıteti tóraǵasynyń orynbasary Meldeshov Ǵalymjan Sársenbaıuly arnaıy qatysty.