Táýelsizdiktiń 25 jyldyǵyna oraı 73 aqmolalyq mereıtoılyq medalmen marapattaldy

K­ÓKShETAÝ. QazAqparat ­ Búgin Aqmola oblysynyń ákimi Sergeı Kýlagınniń qatysýymen QR Táýelsizdiginiń 25 jyldyǵyna oraı saltanatty jınalys ótti, dep habarlaıdy «QazAqparat» HAA tilshisi.

Oblystyq ákimdikte ótken sharaǵa ákimdik qyzmetkerleri, aýdan, qala ákimderi, departament jáne basqarma­ kásiporyn jáne áleýmettik sala mekemeleriniń basshylary men eńbek ardagerleri qatysty.

Aımaq basshysy Sergeı ­Kýlagın qazaqstandyqtar úshin eń mańyzdy mereke sanalatyn Táýelsizdik kúnimen barsha aqmolalyqtardy quttyqtap, óńirdiń áleýmettik-ekonomıkalyq damýyna eleýli úles qosqan azamattarǵa alǵys bildirdi.

 

«Elbasy óz sózinde Táýelsizdik jyldaryndaǵy respýblıkamyzdyń jetistigi árbir qazaqstandyqtardyń tynymsyz eńbeginiń arqasynda degen edi. Jıyrma bes jyldyń ishinde bizde myqty memleket, jańa ekonomıka jáne jańa tutas qoǵam quryldy. Onyń ishinde sol kezde Elbasymen birge Táýelsiz memleket qurǵan jáne egemen Qazaqstannyń jetistigine senimmen qaraǵandardyń arasynda elge tanymal ári qurmetke laıyq aqmolalyqtar da az emes bolatyn», - dedi óz sózinde Sergeı Kýlagın.

Sonymen qatar oblys ákimi aqmolalyqtardyń ónerkásip, aýyl sharýashylyǵy, qurylys jáne áleýmettik saladaǵy jetistikterin aıta kele, aldaǵy jyly budan da joǵary kórsetkishterge qol jetkizýge tilektestik bildirdi.

 

Osydan keıin óńir basshysy Táýelsizdik kúnine oraı Elbasy N.Á.Nazarbaevtyń Jarlyǵyna  sáıkes oblystyń áleýmettik-ekonomıkalyq damýyna eleýli úles qosqan oblystyq ákimdik qyzmetkerleri, aýdan, qala ákimderi, departament jáne basqarma, kásiporyn jáne áleýmettik sala mekemeleriniń basshylary jáne ardagerlerden quralǵan 73 aqmolalyqqa  «Qazaqstan Respýblıkasynyń Táýelsizdigine 25 jyl» mereıtoılyq medalin tabys etti. Jalpy, mereke qarsańynda 600-den astam aqmolalyqqa túrli deńgeıdegi merekelik nagradalar tapsyrylatyn bolady.