«Táýelsizdiktiń 25 asa mańyzdy oqıǵalary» kitabynyń tusaýkeseri ótti - Qyzylorda

QYZYLORDA. QazAqparat - Búgin QR Aqparat jáne kommýnıkatsııalar mınıstrliginiń Ortalyq kommýnıkatsııalar qyzmetinde QR Táýelsizdiginiń 25 jyldyǵy qarsańynda Qyzylorda oblysy ákiminiń orynbasary Rýslan Rústemov pen «Táýelsizdiktiń 25 asa mańyzdy oqıǵalary» kitabynyń avtory Bereket Káribaevtardyń qatysýymen brıfıng ótti.

Bul týraly QazAqparat tilshisi habarlady.

Qyzylorda oblysy ákiminiń orynbasary R. Rústemov brıfıng barysynda el táýelsizdiginiń 25 jyldyq mereıli merekemen quttyqtap, jaqynda jaryqqa shyqqan  «Táýelsizdiktiń 25 asa mańyzdy oqıǵalary» kitabyn tanystyrdy.

Týyndy el táýelsizdiginiń 25 jyldyǵyna arnalyp otyr, ol Qyzylorda oblysy ákimdiginiń qoldaýymen shyǵarylǵan.

Kitaptyń avtory - QR Ulttyq Ǵylym akademııasynyń korrespondent múshesi, Ál-Farabı atyndaǵy Qazaq ulttyq ýnıversıteti  «Qazaqstan tarıhy» kafedrasynyń meńgerýshisi, tarıh ǵylymdarynyń doktory, professor, qyzylordalyq Bereket Káribaev.

Ǵalymnyń uzaq jylǵy izdenisteriniń nátıjesi osyndaı qomaqty kitaptyń qundylyǵyn arttyra tústi. Munda kóterilgen árbir jetistikterdiń barlyǵy el birligin berik ustanǵan egemendiktiń jıyrma bes jylynda jasalǵan jasampaz ister. Olardyń bári Tuńǵysh Prezıdenttiń sara da salıqaly saıasatymen júzege asyrylyp otyrǵany barshaǵa aıan.

  «Syr eliniń áleýmettik-ekonomıkalyq damý kórsetkishteri joǵary damýda, onyń ishinde áleýmettik sala asa qarqyndy, Táýelsizdiktiń 25 jylynda 109 densaýlyq saqtaý, 198 bilim berý nysandary salyndy. Nazarbaev zııatkerlik mektebi, qazaq-túrik lıtseıleri, daryndy balalarǵa arnalǵan «Daryn» mektep-ınternaty, barlyq bilim júıesine taratylyp jatqan ınnovatsııalyq mektepterdiń ózindik júıesi paıda boldy. Oblys halqynyń 95 paıyzyna ortalyqtandyrylǵan aýyz sý júıesi jetkizildi. Táýelsizdiktiń 25 jylynda 109 densaýlyq saqtaý, 198 bilim berý nysandary salyndy»,- dedi oblys ákiminiń orynbasary.

Sondaı-aq, mereıli mereke qarsańynda oblysta  jańa «Nur Orda» móltekaýdany ashylyp, jalpy sany 820 páterdi quraıtyn kópqabatty 16 turǵyn úı el ıgiligine berildi.     «Nur Orda» shaǵynaýdanyndaǵy bul úıler «Nurly jol» memlekettik baǵdarlamasy boıynsha salynǵan.

«Táýelsizdiktiń 25 asa mańyzdy oqıǵalary» kitaby ǵylymı eńbek emes, kópshilikke arnalǵan tanymdyq kitap. Sondyqtan barshańyzdyń oqyp, ótkenimizge kóz jiberip, barymyzdy baǵalaýǵa atsalysyp, oqyrman bolýǵa shaqyramyn,- dedi Qyzylorda oblysy ákiminiń orynbasary R. Rústemov brıfıng sońynda.