Táýelsizdiktiń 20 jylynda Qazaq eli 2 dúrkin Olımpıada chempıonyn tárbıelep shyǵardy
ASTANA. 5 shilde. QazAqparat - Táýelsizdik alyp, etek-jeńin endi qymtaǵan Qazaq eliniń Olımpıada oıyndaryndaǵy jeńisterine hám jetistikterine álem jurtshylyǵy qyzyǵa ári qyzǵana qaraýy zańdylyq.
Shyndyǵynda da bizdiń sportshylarymyz qarsylastaryna dál osyndaı kóńil-kúı sylaýǵa laıyqty. Mine, búgin London Olımpıadasynda elimizdiń qorjynyna 5-shi altyn medal tústi. Taǵy da aýyr atletimiz aldyna jan salmady. Iıa, Ilıa Ilın erledi. 94 keli salmaq sanatynda aýyr atletıkadan jarys jolyna shyqqan ziltemirshimiz Olımpıada ǵana emes, álem rekordyn jańartyp, chempıon ataǵyn jeńip aldy. Al onyń basty qarsylasy atanǵan reseılik Aleksandr Ivanov Ilıanyń shańynada ilese almaı qaldy. Este bolsa, dál osy sportshy «Sport ekspress» basylymyna bergen suhbatynda: «Ilınniń Londonda jeńiske jetetinine úlken kúdikpen qaraımyn. Árıne, men jeńiske jetemin dep otyrǵanym joq. Biraq ony jeńetin bir atlettiń shyǵatynyna senem. Al óz basym, Ilındi myqty sportshy dep sanamaımyn», - degen edi. Búgingi jarystar neni kórsetti? Dál osy orys ziltemirshisi sportshymyzǵa jeńisti qımaı otyrǵan salmaq sanatynda tórt márte rekordy jańartyldy. Al onyń avtory kim? Árıne, Ilıa. Ol serpe kóterý jattyǵýynda 233 kelini baǵyndyrýy arqyly Olımpıada ári Álem rekordyn, qos jattyǵýdyń nátıjesinde 418 keli kóterý arqyly taǵy da Olımpıada men Álem rekordyn jańǵartty. Osylaısha, Ilıa dál búgingi tańda 94 keli salmaq sanatynda aldyna túser ziltemirshiniń joq ekendigin taǵy márte dáleldedi.
Alda áli talaı jarys bar. Biz boksshylarymyzben qatar grek-rım jáne erkin kúres sheberlerimizge de zor senim artamyz. Odan bólek úsh sekirip qarǵýshy Oga Rypakovaǵa da zor senim artylyp otyr. Aldaǵy ýaqytta Qazaqstan qorjyny Olımpıada júldelerimen tolyǵa túseri sózsiz.
