Táýelsizdiktiń 20 jyldyǵyna baılanysty 11 myń adamǵa raqymshylyq jasalyp, 2 myńnan astam adam túrmeden bosatylady
TANA. 26 qazan. QazAqparat /Qanat Mámetqazyuly/ - Táýelsizdiktiń 20 jyldyǵyna baılanysty jasalatyn raqymshylyq 11 myńnan astam adamdy qamtıtyn bolady.
Onyń ishinde 2142 adam bas bostandyǵynan aıyrý oryndarynan bosap shyǵady. Bul týraly búgin Parlament Májilisinde jýrnalısterge bergen suhbatynda Ádilet vıtse-mınıstri Ámirhan Amanbaev málim etti.
Toqtala ketetin jáıt, Májilistiń búgingi kún tártibinde «Qazaqstan Respýblıkasy Táýelsizdiginiń 20 jyldyǵyna baılanysty raqymshylyq jasaý týraly» QR zań jobasy engizilgen bolatyn. Bul rette zań jobasynda onsha aýyr emes jáne aýyrlyǵy ortasha qylmystar úshin sottalǵan azamattardyń áleýmettik turǵydan osal sanattaryna qatysty raqymshylyq jasaý kózdelgen. Sonymen qatar buǵan deıin raqymshylyqqa shamamen 35 myńǵa tarta adam iligedi dep jarııalanǵan bolatyn.
«Jalpy, raqymshylyq 11 myńnan astam adamdy qamtıdy. Buǵan sebep: jyl basynda qoldanystaǵy zańdar izgilendirilgen bolatyn. Sonyń arqasynda isti bolǵan birshama adam jazadan qutyldy. Al, 11 myń adamnyń 2142-si bas bostandyǵynan aıyrý organdarynan shyǵady. Qalǵan 9300-ge jýyǵy baqylaý ınspektsııasynda turǵandar jáne shartty túrde jazasyn óteýshiler», - dedi Á. Amanbaev.
