Táýelsizdikti nyǵaıtýda dinniń róli joǵary - Jaras Ermekbaev
ALMATY. 25 tamyz. QazAqparat /Erlik Erjanuly/ - Kavkaz ben Ortalyq Azııa elderiniń halqy negizinen ıslam dinin tutynady. Bul olardyń arasyndaǵy yntymaqtastyq qarym-qatynasty damytýda mańyzdy ról atqarady. Ony tarıhshy Jaras Ermekbaev búgin Almatyda ótip jatqan "Kavkaz jáne Ortalyq Azııa táýelsizdikten 20 jyldan keıin: "Ońtústik" túsinigin qaıta oılaý" dep atalatyn halyqaralyq konferentsııa kezinde aıtty.
"Keńestik dáýirdegi qýǵyn-súrgin men kúshtep qonys aýdarý kezinde Kavkazdan balqar, qarashaı, sheshen sııaqty birqatar halyqtar Qazaqstanǵa taban tiredi. Dili, tili bólek ózge ulys ókilderimen ózara qarym-qatynasta ıslam dini úlken ról atqardy. Sondyqtan olardyń kópshiligi áli kúnge deıin Qazaqstannan eshqaıda taban aýdarmaı, óz tirshiligin odan ary jalǵastyrýda", - deıdi Ramazan Súleımenov atyndaǵy shyǵystaný ınstıýtynyń qyzmetkeri, tarıh ǵylymynyń doktory Jaras Ermekbaev. Onyń paıymdaýynsha, kez-kelgen memlekettiń qalyptasýy men damýynda dinniń róli óte zor. Jahandaný dáýirinde adamdar bir-birine din arqyly jaqyndasady. Árıne, onyń ózindik qaýip-qaterleri de bar. Ómir onsyz bolmaıdy. Jalpy din jolyn berik ustanatyn adamdar eshqashan lańkestik pen bólinýshilikke jol bermeıdi. Sondyqtan ony dinmen baılanystyrýǵa bolmaıdy.
