Táýelsizdikten beri qaraı mektepten tys mekemeler sany 3 esege azaıyp ketti - M. Aısına
ASTANA. 14 naýryz. QazAqparat - Táýelsizdikten beri qaraı mektepten tys mekemeler sany 3 esege azaıyp ketti.
Búgin QR Parlamenti Májilisiniń jalpy otyrysynda Úkimet basshysynyń atyna saýal joldaǵan depýtat Maıra Aısına osylaı málim etti.
«Sabaqtan tys mezgilde balalardyń kópshiligi qaraýsyz qalyp, ýaqyttarynyń basym bóligin kóshede ótkizip jatatyny aıqyn. Osynyń ózi jasóspirimder arasyndaǵy qylmystardyń órshýine, kámeletke tolmaǵandar arasyndaǵy maskúnemdiktiń, nashaqorlyqtyń taraýyna yqpal etetini belgili. Endeshe qazirgi tańda qalyptasqan jaǵdaıdy jaqsartý úshin balalar men jetkinshekterge arnalǵan mektepten tys tárbıe men qosymsha bilim berý júıesi dástúrlerin qaıta engizý qajet dep sanaımyn», - deıdi depýtat.
Onyń aıtýynsha, 1991 jyly Qazaqstanda 1727 mektepten tys mekeme jumys istegen bolsa, búgingi kúni olardyń sany 3 esege azaıǵan.
«Sondyqtan da, 2012-2016 jyldarǵa arnalǵan qosymsha bilim berýdi damytý baǵdarlamasyn daıarlaý múmkindigin qaraýdy ótinemin», - deıdi M. Aısına.
