Táýelsizdikke 30 jyl: Túrkistanda áskerıler arasynda saltanatty jıyn ótti
Túrkistan oblystyq qoǵamdyq damý basqarmasynyń basshysy Ańsar Óserbaev kópshilikti merekemen quttyqtap, táýelsizdik jyldarynda elimizdiń qol jetkizgen tabystaryna toqtalyp ótti. Sonymen birge, Qarýly kúshter sapynda qyzmet etken, Aýǵanstanda, Tájik-aýǵan shekarasynda jáne ózge de áskerı qımyldarǵa aralasqan sarbazdar men sardarlarǵa qurmet kórsetip, merekelik medaldar men oblys ákiminiń alǵys hattaryn tapsyrdy.
Jıynda «Qarýly kúshteriniń ardagerleri» respýblıkalyq qoǵamdyq birlestiginiń Túrkistan oblystyq fılıalynyń tóraǵasy, podpolkovnık Babaı Aldabergenov te áskerılerdi uly merekemen quttyqtady. Sondaı-aq, jas urpaqty otanshyldyqqa tárbıelep, áskerı ómirge qyzyqtyryp, Otandy qorǵaý – azamattyq boryshtary ekendigin túsindirý kerektigin jetkizdi.
Kesh Túrkistan qalasyndaǵy Raıymbek Seıtmetov atyndaǵy teatr ánshileri men jergilikti ónerpazdardyń kontserttik baǵdarlamasyna ulasty. Patrıottyq ánder shyrqalyp, áskerı qyzmetkerlerden jasaqtalǵan orkestr de jurtshylyqtyń kóńilin kóterdi.
