Táýelsizdikke 30 jyl: Shymkentte 240 jańa avtobýs qalalyq baǵytqa shyqty

ShYMKENT. QazAqparat – QR Táýelsizdiginiń 30 jyldyǵyna oraı Shymkentte 240 jańa avtobýs qalalyq baǵytqa shyqty. Saltanatty sharaǵa QR Memlekettik hatshysy Qyrymbek Kósherbaev qatysty, dep habarlaıdy QazAqparat tilshisi.

Zamanaýı, jaıly avtobýstar jeldetkishtermen, beınebaqylaý kameralarymen, pandýstarmen jabdyqtalǵan. Barlyq standarttarǵa sáıkes keledi.

Qala ákimi M. Áıtenov jańa avtobýstardyń halyq ıgiligine paıdalanýǵa berilýi turǵyndar úshin úlken qýanysh ekenin aıta kele, aldaǵy josparlardan habardar etti.
Búginde qalanyń avtobýs parkinde 1 myńnan astam kólik bar. Onyń shamamen 87 paıyzy jańartylǵan. Bıyl qoǵamdyq kólik jelisin damytý keshendi shemasy bekitildi. Sonyń nátıjesinde birqatar baǵyttar ońtaılandyrylyp, jańa marshrýttar iske qosyldy.
Barlyq avtobýstar tsıfrlyq júıeler jáne GPS qondyrǵylarmen jabdyqtalǵan. ıAǵnı, qosymsha arqyly turǵyndar qoǵamdyq kóliktiń qozǵalysy jaıly aqparat alyp, ózine qajet avtobýstyń qaıda kele jatqanyn kóre alady.