Táýelsizdikke 30 jyl: Sáýir aıy «Ǵylym jáne tehnologııalar» aıdarymen ótýde
Atap aıtqanda, Naýryz eldiń ulttyq dástúrleri men mádenıetine arnalsa, al sáýir aıy «Ǵylym jáne tehnologııalar» aıdarymen ótedi.
Barlyq is-sharalar men jobalar mereıtoılyq jyldyń basty ıdeıasy «Jasampazdyqqa toly jyldar» belgisimen ótkiziledi.
Qazaqstan Táýelsizdiginiń 30 jyldyǵyn merekeleýdiń sáýir aıyndaǵy kestesi oqýda, ǵylymda joǵary jetistikterdi kórsetip júrgen jas talantty qazaqstandyqtardy tanytý jáne qoldaý jónindegi birqatar is-sharalardy qamtıdy.
«Jastarǵa myqty táýelsiz Qazaqstandy qurýǵa onyń óz bilimin, ýaqyty men kúshin jumsaýyna qolaıly jaǵdaı jasaý qajet», - dep atap ótti Prezıdent Q.Toqaev Qazaqstan Respýblıkasy Táýelsizdiginiń 30 jyldyǵyn merekeleýge daıyndyq jónindegi memlekettik komıssııanyń birinshi otyrysynda.
Bul rette, Qazaqstanda jas ǵalymdardy qoldaýǵa baǵyttalǵan birqatar joba iske qosyldy.
Nursultan Nazarbaev qory elimizdiń ǵylymı uıymdary men joǵary oqý oryndary janyndaǵy úzdik Jas ǵalymdar keńesi baıqaýyn jarııalady. Jeńimpazdy anyqtaý kezinde baıqaý komıssııasynyń músheleri jas ǵalymdar keńesiniń belsendiligi men jumysynyń nátıjeliligine qaraı baǵalaıtyn bolady.
Sondaı-aq, Qor Qazaqstan Respýblıkasynyń joǵary oqý oryndary men ǵylymı uıymdarynda ǵylymnyń, tehnologııalar men tehnıkanyń basym baǵyttary boıynsha qoldanbaly ǵylymı-zertteý jobalary men jas ǵalymdardyń jumystaryn qarjylandyrýdy usyný boıynsha granttar alýǵa konkýrs jarııalady.
Bilim jáne ǵylym mınıstrligi qazaqstandyq ǵalymdardyń ǵylym men jańa tehnologııalardyń ártúrli salalaryndaǵy jetistikterin tanymal etý boıynsha «GYLYM TALKS» ınternet-jobasyn iske qosty. Sonymen qatar, osy aı ishinde «Aqyldy urpaq» jas ǵalymdardyń onlaın-forýmyn ótkizý josparlanýda.
Aıta keteıik, búginde Qazaqstannyń ǵylym salasynda 22 myńǵa jýyq maman jumys isteıdi. Qazaqstannyń ǵylymı qyzmetkerleriniń 34% - dan astamyn 35 jasqa deıingi qyzmetkerler quraıdy.
