Táýelsizdikke 30 jyl: Mańǵystaý oblysynyń Batyr aýylynda 20 turǵyn úı qoldanýǵa beriledi

AQTAÝ. QazAqparat - Bıyl Táýelsizdiktiń 30 jyldyǵy aıasynda Munaıly aýdany Batyr aýylynyń 10 jyldyǵy merekelenedi. Osy oraıda Batyr aýylynda salynyp jatqan 4 páterli 20 turǵyn úı jyl sońynda qoldanysqa beriledi, dep habarlaıdy QazAqparat.

Munaıly aýdanynyń ákimi Rahat Eltızarovtyń málimetinshe, mereke qarsańynda 80 páterdiń kilti kópbalaly, áleýmettik jaǵynan az qamtylǵan jáne múmkindigi shekteýli bala asyrap otyrǵan otbasylarǵa kezek boıynsha beriledi.

«Qazir qurylys jumystary 80 paıyzǵa aıaqtaldy. Injenerlik jeliler tolyq tartylǵan. Aýlalardy abbattandyrý jumystary qaldy. Jaqyn arada 80 otbasy qýanyshqa kenelip, baspanaly bolady dep josparlap otyrmyz», - dedi Rahat Eltızarov.

Jańa páterler 2 bólmeden turady. Bir baspana shamamen 65 sharshy metrdi quraıdy.