Táýelsizdikke 30 jyl: Almatyda halyqaralyq ǵylymı-tájirıbelik konferentsııa ótip jatyr

ALMATY. QazAqparat - Ál-Farabı atyndaǵy Qazaq ulttyq ýnıversıtetinde «Qazaqstan Táýelsizdiginiń 30 jyldyǵy – saıası turaqtylyq pen ekonomıkalyq órkendeýdiń negizi retinde N. Nazarbaevtyń quqyqtyq modeli» atty halyqaralyq ǵylymı – tájirıbelik konferentsııa ótip jatyr, dep habarlaıdy QazAqparat tilshisi.

Konferentsııaǵa QR joǵarǵy jáne jergilikti zań shyǵarýshy, sot jáne atqarýshy bılik organdary men azamattyq qoǵam ınstıtýttarynyń ókilderi, qazaqstandyq jáne halyqaralyq sarapshylar qatysyp jatyr.

Jıyn basynda Ál-Farabı atyndaǵy Qazaq ulttyq ýnıversıtetiniń rektory JanseıitTúımebaev quttyqtaý sóz sóılep, konferentsııanyń mańyzdylyǵyna toqtaldy.
«Bıyl Qazaqstan Respýblıkasynyń Táýelsizdigine 30 jyl tolyp otyr. Bul elimiz úshin – erekshe kezeń, tarıhı oqıǵa.Qazaqstan qysqa ýaqyt ishinde úlken joldan ótti. Derbes saıası, quqyqtyq júıe ornap, damyǵan ekonomıka quryldy. Joǵary tıimdi qarjy jáne bank sektory jasaqtalyp, quqyq qorǵaý jáne sot júıesi qalyptasty. Qazaqstan Respýblıkasynyń Konstıtýtsııasy eldik maqsat pen ulttyq qundylyqtar aınalasynda azamattyq qoǵam qurýǵa, qoǵamdyq kelisimniń qazaqstandyq úlgisin qalyptastyrýǵa negiz boldy. Qazaqstannyń memlekettik saıasaty jalpy adamzattyq tujyrymdarǵa sáıkes halyqtyń birtutastyǵyn qalyptastyrýǵa baǵyttaldy. Táýelsizdik arqyly ytymaq-birligimizdiń irgetasy bekidi»,-dedi rektor.
Sonymen qatar, ol el bolashaǵyn aıqyndaǵan osy ıgiliktiń barlyǵy Qazaqstannyń Tuńǵysh Prezıdenti – Elbasy Nursultan Ábishuly Nazarbaevtyń kóregen saıasatynyń arqasynda tıimdi júzege asqanyn aıtty.
«Ult Kóshbasshysy óziniń «Táýel¬sizdik dáýiri» atty kitabynda «Memleket qurý – asa kúrdeli jasampaz protsess. Biz, syrtqy syn-qaterler men synaqtarǵa qaramastan, óz jolymyzben qaryshtap alǵa basyp kelemiz.» – dep atap ótken bolatyn. Búginde Elbasy negizin qalaǵan, Táýelsizdigimizdiń tiregi sanalatyn Ata zańymyz – memleket pen qoǵamda oryn alǵan barlyq qoǵamdyq-saıası, áleýmettik-ekonomıkalyq damýdyń bastaýyna, qozǵaýshy kúshine aınaldy.Konstıtýtsııamyzdyń arqasynda álem Qazaqstandy demokratııalyq, zaıyrly, áleýmettik jáne quqyqtyq memleket retinde tanydy»,- dedi Janseıit Túımebaev.
Konferentsııa barysynda qatysýshylar Qazaqstannyń táýelsiz memleket retinde qalyptasýy men damý úderisterine saıası-quqyqtyq jáne áleýmettik-ekonomıkalyq taldaý júrgizip, qoǵamnyń quqyqtyq júıesin qurý men damytý jaıyn talqylady. Sonymen qatar, jınalǵandar elimizdiń halyqaralyq keńistiktegi róli men adam quqyqtaryn qorǵaý jaǵdaıyn da oı talqyǵa saldy.
Aıta ketsek, sharany ótkizýge ál-Farabı atyndaǵy Qazaq ulttyq ýnıversıteti, QR Konstıtýtsııalyq Keńesi, Nursultan Nazarbaev Qory men Qazaqstan Respýblıkasy Prezıdentiniń janyndaǵy Adam quqyqtary jónindegi Komıssııa, «Astana» AHQO jáne Sorbonna-Qazaqstan Instıtýty muryndyq boldy.