Táýelsizdikke 30 jyl: Almaty kósheleri merekege oraı qalaı bezendirildi
«Taqyryptyq bezendirý mereıtoı kúniniń saltanatyn, óskeleń urpaqtyń boıynda patrıottyq sezimdi oıatýdy, Táýelsizdik jetistikteri týraly oılardy, súıikti qala men elge degen qurmetti bildiredi», - dep atap ótti Almaty ákimdiginiń ókilderi.
Sáýlet-kórkem jaryqtandyrý Respýblıka, Astana alańdarynda, Tuńǵysh Prezıdent saıabaǵynda, «Medeý» janyna, «Alataý kreatıv hab» ǵımaratynyń aldyna ornatylǵan. Búkil qala boıynsha merekelik bılbordtar ornalastyryldy.
Ulttyq kitaphananyń aldynda erekshe ınstallıatsııa – Táýelsizdiktiń mereıtoılyq datasy belgilengen tekshe paıda boldy. Aıta keterligi, bul móldir tekshe jaı qoıylmaǵan, sáýletshiler ony ejelgi sımvolǵa baǵalaıdy ári adamnyń aqylymen baılanystyrady. Damýdyń, turaqtylyqtyń, beriktiktiń jáne uzaqtyqtyń sımvoly.
Alataý aýdany ákimdiginiń aldyndaǵy alańda kıiz úı jáne shańyraq túrinde ınstallıatsııa ornatylǵan, ol qarańǵyda jaryqqa oranyp, erekshe sıpatqa bólenedi. Shańyraqtyń ár keregesi memlekettiliktiń qalyptasýyndaǵy belgili bir kezeńdi bildiredi. Kompozıtsııa zamanaýı estetıkalyq materıaldardan jasalǵan.
Taǵy bir merekelik qurylym Naýryzbaı aýdany ákimdiginiń aldyndaǵy alańda ornatyldy. Eskertkishte qanatty barysty basqaratyn «Altyn Adam» beınelengen, ol Qazaqstan jerindegi berik memlekettik bılikti beıneleıdi.
Ál-Farabı dańǵyly, Shyǵys aınalma tasjoly jáne Buqtyrma kóshesi taqyryptyq bezendirilgen. Almaty ákimdigi jańa qalalyq bezendirý ózektiligin joǵaltpaıtynyna senimdi, kerisinshe patrıottyq dızaın qala turǵyndarynyń Otanǵa degen súıispenshiligin oıatady. Bulardan basqa, Táýelsizdiktiń 30 jyldyǵyna arnalǵan mereıtoılyq ınstallıatsııalar qalanyń kórneki jerlerine jańarǵan ásem kórinis berýde.
