Táýelsizdikke 30 jyl: Aqmola oblysynda jastarmen kezdesý ótti

KÓKShETAÝ. QazAqparat - Qazaqstan Respýblıkasy Táýelsizdiginiń 30 jyldyǵy aıasynda Zerendi aýdanynyń ákimi Ásen Jaqsylyqov respýblıkalyq jáne halyqaralyq deńgeıde óńirdi dáriptep júrgen talantty jastar, táýelsizdiktiń qurdastary jáne isker jastarmen «Táýelsizdik bárinen qymbat» taqyrybynda kezdesý ótkizdi, dep habarlaıdy QazAqparat tilshisi.

Zerendi aýdany ákimdiginiń baspasóz qyzmetinen málim etkendeı, búgingi tańda óńirde 7 myńnan astam jastar bar. Olardyń arasynda jas kásipkerler, belsendiler, eriktiler kózge túsip júr. Aǵymdaǵy jyly aýdannyń depýtattyq korpýsynda aýdannyń eki jas bastamashyl turǵyndary usynyldy. Bul joǵary polıtehnıkalyq kolledjdiń oqytýshysy Azamat Janabaev pen basketboldan sport sheberi, basketboldan áıelder arasyndaǵy Qazaqstan chempıonatynyń kúmis júldegeri Svetlana Prokopeva.

Jalpy, aýdan kóptegen jas sportshylarmen tanymal. Sport sheberi, Qazaqstan chempıony, shańǵy jarysynan Qazaqstan quramasynyń múshesi, Álem chempıonaty men Kýbogyna qatysýshy Elmıra Mýtagarova, shańǵy jarysy, qysqy kópsaıys jáne sporttyq baǵdarlaý boıynsha sport sheberligine úmitker, ekstremaldy atletıkadan halyqaralyq jarystardyń qola júldegeri, Qazaqstan Respýblıkasynyń chempıonattary men kýboktarynyń, Reseı chempıonatynyń jáne sporttyq baǵdarlaý boıynsha halyqaralyq jarystardyń qatysýshysy ıÝrıı Chehovskıı aýdannyń maqtanyshy bolyp sanalady. Jas jigit ózin Memlekettik qyzmet salasynda da synap kórýde, qazirgi kezde ol Báıterek aýyldyq okrýgi ákimi apparatynyń bas mamany bolyp jumys isteıdi.

Kezdesýde jastar aýdan ákimine týrızm, qysqy jáne sport túrlerin damytý boıynsha suraqtaryn qoıyp, aldaǵy josparlarymen bólisti. Jalpy, halyqtyń sportqa degen qyzyǵýshylyǵy joǵary. Aýdan halqynyń 40 paıyzy sportpen belsendi aınalysady.

Sonymen birge, kezdesýge aýyldyq eldi mekenderge jumysqa ornalasqan jas mamandar shaqyryldy.

Dıplom alǵan mamandardy yntalandyrý jáne tartý jumystary «Dıplommen aýylǵa» baǵdarlamasy arqydyrysov júzege asyrylýda. Aýdanda baǵdarlama 10 jyl boıy belsendi júzege asyrylyp keledi. Osy aralyqta aýdanǵa 500-ge jýyq jas maman keldi. Bıyl «Dıplommen aýylǵa» baǵdarlamasy aıasynda óńirge kelgen jas mamandarǵa 115 kóterme járdemaqy jáne 48 bıýdjettik kredıt beriletin bolady.

Kezdesý sońynda qatysýshylarǵa Alǵys hattar jáne Táýelsizdiktiń 30 jyldyǵy logotıpi bar saǵattar tartý etildi.

«Bizdiń elimizdiń jastary jastar jylynda óz bastamalaryn damytý úshin biregeı múmkindik aldy, eriktiler jylynda eń batyl jáne aýqymdy josparlardy júzege asyrý úshin taǵy bir múmkindik berildi. Bıylǵy jyl-Táýelsizdigimizdiń 30 jyldyǵy. Bul-ata-babalarymyzdyń kóptegen urpaqtary armandaǵan qazaq memlekettiliginiń jandanýy men bostandyqqa qol jetkizýiniń mańyzdy kezeńi. Búgingi tańda Sizderdiń memlekettik qyzmetke ornalasýǵa jáne alǵa jyljýǵa, óz isterińizdi ashýǵa jáne júrgizýge, óz betinshe bilim alýmen, ǵylymmen, sportpen jáne shyǵarmashylyqpen tabysty aınalysýǵa naqty múmkindikterińiz bar. Jastar-bizdiń táýelsiz elimizdiń búgini, sizder – onyń jarqyn bolashaǵynyń kepili!»,- dep atap ótti aýdan ákimi Asen Jaqsylyqov.

Kezdesý «Jasyl álem» kógaldandyrý aktsııasyna ulasty.