Táýelsizdik jyldaryndaǵy ulttyq ıdeıa Astanamen baılanysty - Muhtar Qul-Muhammed
«Bıyl búkil qazaqstandyqtar úshin «Astananyń jıyrma jyldyǵy» degen úlken uranmen ótip jatyr. Sebebi Astana bizdiń elimizdiń resmı alǵandaǵy elordasy ǵana emes, sonymen birge Qazaqstannyń sımvoly. Qazir kezde teledıdardy nemese ınternetti qarasańyzdar, «Astananyń ýaqyty boıynsha», «Astananyń ustanymy», «Astananyń usynysy» degen málimdemeler jasalady. ıAǵnı bul barsha Qazaqstannyń ustanymy bildiretin uǵym retinde qabyldanyp jatyr. Elimiz Táýelsizdik alǵan kezde ulttyq ıdeıa týraly kóp áńgime qozǵaldy. Shyndyǵyna kelgende, bizdiń Táýelsizdik jyldaryndaǵy ulttyq ıdeıamyz jıyrma jyl boıy Astana bolyp kele jatyr. Óıtkeni Astana Qazaqstandaǵy barlyq jańalyqtardyń, jańǵyrýlar men jańarýlardyń, barsha ınnovatsııanyń basty qalasy bolyp otyr. Sondyqtan elordanyń 20 jyldyǵy búkil elimiz úshin ındýstrııalyq- ınnovatsııalyq jáne joǵary tehnologııanyń damýyna arnalǵan jyly bolýy kerek. Osy oraıda Qazaqstannyń barlyq óńirleri dál osy jyly Astanaǵa qarap boıyn túzeýi kerek dep esepteımin», - dep atap ótti M. Qul- Muhammed.
Forým elordanyń qazirgi zamanǵy tehnologııalardyń, sapaly bilimniń, ınvestıtsııa men jańa ıdeıalardyń ortalyǵy retinde baǵyndarǵan belesteri men jetisterine arnalyp otyr.
«Elbasynyń ǵajaıyp jobasymen dúnıege kelgen Astana búginde jahandyq saıası úderister men bitimgershilik bastamalardyń beldi qatysýshysy retinde álem kartasynan oıyp turyp oryn aldy. Az ýaqyttyń ishinde Astana dúnıejúzine konfessııaaralyq kelisim men ultaralyq tatýlyqtyń altyn besigi retinde tanyldy», - dedi «Nur Otan» partııasy Tóraǵasynyń birinshi orynbasary.
