Táýelsizdik jyldaryndaǵy kemshin ketken tustardy ashyq aıtýǵa tyrysamyz - Búrkitbaı Aıaǵan
ASTANA. 31 shilde. QazAqparat - Táýelsizdik jyldaryndaǵy tarıhymyzdy tereń zertteý qajet.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Memleket tarıhy ınstıtýtynyń dırektory, tarıh ǵylymdarynyń doktory Búrkitbaı Aıaǵan málim etti.
«Keıbir tilshiler Táýelsizdik jyldaryndaǵy tarıhty sonshalyqty zertteý qajet pe?, - degen saýaldar qoıyp jatady. Memleket úshin 22 jyl, ásirese, qazirgi zamanda az kezeń emes. Atap aıtqanda, dál osy jyldary Qazaqstanda keremet ári úlken ózgerister boldy»,- dep toqtalyp ótti ǵalym.
Táýelsizdik jyldary elimizde tereń reformalar júrgizilgenine toqtalǵan B. Aıaǵan: «Astanamyz aýysty jáne basqa eleýli oqıǵalar boldy. ıAǵnı, osyndaı keremet úlken jańalyqtardy nege kórsetpeske, nege zerttemeske?»,- dedi.
«Biraq, Táýelsizdik jyldaryn zerttegen kezde biz tek jaqsy jaǵyn ǵana emes, sonymen qatar ekonomıkalyq reforma kezindegi, ásirese, 90-jyldardaǵy jurttyń qınalǵany týraly, basqa de elimizde bolǵan kemshilikter jaıynda ashyq aıtýǵa tyrysamyz. Jáne ol bizdiń jazǵan kitaptarymyzda bar»,-dedi ınstıtýt dırektory.
