Táýelsizdik jyldaryndaǵy eldiń jetistikterin arttyrý mańyzdy - Almaty ákimi
Y. Jeltoqsannyń 8-i. QazAqparat / Ádilet Musahaev / - Biz 70 jyl astana bolǵan, qazirgi ýaqytta ǵylymnyń, mádenıettiń jáne qarjy ortalyǵyna aınalyp otyrǵan keremet qalada turamyz. Bul jaıynda Almaty qalasynyń ákimi Ahmetjan Esimov «Qazaqstannyń Táýelsizdigi - órkendeý men tabystyń kepili» atty dógelek ústel barysynda aıtty,
dep habarlaıdy QazAqparat.
Sharanyń maqsaty - Qazaqstannyń turaqtylyǵy men órkendeýin qamtamasyz etýdiń negizi retinde táýelsizdik, memlekettik pen qoǵamnyń birligin nyǵaıtý ıdeıalaryn nasıhattaý.
«Almaty daǵdarys kezeńine qaramastan, respýblıkalyq bıýdjettiń 30 paıyzdyq tabys bóligin qurastyrdy. Bizde munaı, taý-ken óndirisi joq, degenmen de Almaty respýblıkalyq bıýdjettiń basty donoryna aınalyp otyr. Ol burynnan solaı bolǵan jáne sol qalpynda qala bermek, myna daǵdarys ýaqytynda bul kórsetkish joǵarylap otyr, bul azamattarymyzdyń eńbegi. Bizde ǵylymnyń 40 paıyzy shoǵyrlanǵan jáne bank júıesiniń 60 paıyzdyq jumysy bizdiń qalada júrgiziledi», dep atap ótti qala ákimi.
Jıynǵa aýdan ákimderiniń orynbasarlary, qalalyq jáne aýdandyq qurylym basshylary, bilim, densaýlyq jáne bıznes salasynyń ókilderi qatysty.
