Táýelsizdik jyldarynda Qazaqstanda qaterli isik aýrýlarynan bolatyn ólim-jitim 33%-ǵa tómendedi
Búgingi tańda medıtsına salasyndaǵy qaterli isik aýrýyn emdeý, dıagnostıkalaý men onyń profılaktıkasynyń zamanaýı tásilderi patsıenttiń tolyqqandy, ásirese, aýrýdyń erte kezeńinde jazylyp ketýin qamtamasyz etip otyr. Qaterli isik aýrýyn aldyn alý men erte dıagnostıkalaýdyń tıimdi tásili - eń aldymen halyqty proflaktıkalyq medıtsınalyq tekserýden ótkizý bolyp tabylady.
Qazirgi tańda kezeń-kezeńimen skrınıngtik baǵdarlamalar jatyr moıny, sút bezderi obyryn, kolorektaldi obyrdy, asqazan men óńesh, baýyr, qýyqaldy bez obyrlaryn anyqtaý boıynsha júrgiziledi.
Osy ýaqytqa deıin medıtsınalyq kadrlardyń biliktiligin arttyrý men olardy daıyndaýǵa zor kóńil bólinip keldi. Qazaq onkologııa jáne radıologııa ǵylymı-zertteý ınstıtýty (ári qaraı - QazORǴZI) jalpy praktıka dárigerleri, ýchaskelik terapevter men pedıatrlar úshin onkologııalyq qyraǵylyqty kúsheıtý men qaterli obyr aýrýlaryn erte dıagnostıkalaý boıynsha semınarlar ótkizip keledi. «Onkologııa», onyń ishinde balalar onkologııasy, «sáýlelik dıagnostıka», «sáýlelik terapııa» mamandyqtary boıynsha rezıdentýrada daıyndaý júzege asyrylýda.
2011-2015 jj. «Salamatty Qazaqstan» Memlekettik baǵdarlamasymen biriktirilgen QR-daǵy onkologııalyq kómekti damytýdyń 2012-2016 jyldarǵa arnalǵan baǵdarlamasyn júzege asyrý aıasynda balalar onkologııasy men gemotologııasy, klınıkalyq morfologııa men onkotsıtologııa, joǵary tehnologııalyq sáýlelik terapııa, ıadrolyq medıtsına, radıohırýrgııa men brahıterapııa mamandary halyqaralyq úzdik tájirıbeni meńgerý maqsatynda shetelge oqýǵa jiberilgen bolatyn. Bul Reseı, Latvııa, Belarýs, Germanııa, Frantsııa, Túrkııa, Chehııa, Úndistan, Mońǵolııa, Horvatııa, Slovakııa jáne t.b. sııaqty elder. Birneshe ret sheteldik mamandar Qazaqstanǵa da kelgen bolatyn.
Joǵaryda atalǵan baǵdarlamanyń aıasynda aımaqtardaǵy syrqattanǵan adamdarǵa kómek kórsetetin onkologııalyq dıspanserler men densaýlyq saqtaý uıymdary zamanaýı qurylǵylarmen jabdyqtalǵan (kompıýterlik jáne magnıtti-rezonanstyq tomograftar, sandyq mammograftar men rentgen apparattary). Astana, Almaty, Aqtóbe, Semeı qalalarynda radıatsııalyq onkologııa joǵary tehnologııalyq ortalyqtaryn jabdyqtaý úshin zamanaýı radıologııalyq qurylǵylar satyp alyndy (syzyqtyq údetkishter, kompıýterlik tomograftar). Bul sáýlelik terapııany zamanaýı deńgeıde ótkizýge múmkindik berdi.
Zamanaýı tehnologııalardy engizý jalǵasyp keledi. Ókpe, asqazan, óńesh pen kolorektaldi obyrmen syrqattanǵan patsıentterge joǵary mamandandyrylǵan tómengi ınvazıvti endoskopııalyq hırýrgııalyq kómek kórsetiledi.
Jyl saıyn statsıonarlyq jáne ambýlatorlyq deńgeıde dárilermen qamtamasyz etý shyǵyndaryn óteý onkologııalyq aýrýlarmen syrqattanǵan adamdardy mamandandyrylǵan emdeýmen qamsyzdandyrý deńgeıin ulǵaıtýǵa múmkindik berdi.
Statsıonardy almastyrý tehnologııalardy damytý josparly túrde júzege asyrylyp keledi.