Táýelsizdik jyldarynda Qazaqstan 59 Olımpıada júldegerlerin tárbıelep shyǵarǵan
ASTANA. QazAqparat - Táýelsizdik jyldarynda Qazaqstan jazǵy jáne qysqy Olımpıada oıyndarynyń 59 júldegerin, sonyń ishinde 17 Olımpıada chempıonyn baptap shyǵarǵan. Bul týraly búgin Sport kúnine arnalǵan saltanatty jıyn barysynda Mádenıet jáne sport mınıstri Arystanbek Muhamedıuly málim etti.
«Qazaq sportshylary álemdik jarystarda myqty qarsylas ekenin dáleldep júr. Táýelsizdik jyldarynda Qazaqstan jazǵy jáne qysqy Olımpıada oıyndarynyń 59 júldegerin, sonyń ishinde 17 Olımpıada chempıondaryn baptap shyǵardy. Taǵy 163 sportshymyz álem chempıonattarynda júldeli oryndarǵa ıe bolǵan», - dep atap ótti A.Muhamedıuly.
Mınıstrdiń pikirinshe, bul jetistikter eń aldymen sportshylardyń erik-jigeri jáne bapkerlerdiń myqtylyǵyna baılanysty bolsa, ekinshi jaǵynan respýblıkamyzdyń sportqa zor kóńil bólýiniń arqasy.
