Táýelsizdik jyldarynda elimizde munaı óndirý 3,5 ese, gaz óndirý 7 esege ulǵaıdy
Energetıka mınıstri Maǵzum Myrzaǵalıevtiń málimetinshe, elimiz táýelsizdik alǵaly óndirýdiń ósý qarqynynda aıtarlyqtaı serpilis baıqalǵan.
«Táýelsizdiktiń 30 jylynda munaı óndirý 3,5 esege, gaz óndirý 7 esege ulǵaıdy. Osy kezeńde 1,7 mlrd tonna munaı, 790 mlrd tekshe metr gaz óndirildi. Al, 1,4 mlrd tonna munaı eksporttaldy. 2020 jyldyń qorytyndysymen gaz óndirý kólemi 55,1 mlrd tekshe metrdi qurady. Elektr energetıkasy salasynda birqatar mańyzdy jobalar júzege asyryldy. Sonyń nátıjesinde elektr energııasyn óndirý 83 mlrd-tan 108 mlrd kvt/saǵatqa deıin artty. ıAǵnı 30%-ǵa ulǵaıdy», -deıdi Maǵzum Myrzaǵalıev.
Mınıstrdiń aıtýyna qaraǵanda, jańartylatyn energııa kózderin damytýda da joǵary qarqyn bar. Qazir elimizde jańartylatyn energııa kózderiniń 126 obektisi jumys istep tur. Onyń jalpy qýaty 1975 MVT-ty quraıdy.
«Biz osy jetistiktermen toqtap qalmaýymyz qajet. Aldymyzda munaı-gaz, energetıka salasyn damytýdyń jańa belesteri tur. Osy jolda aıanbaı eńbek etip, táýelsizdiktiń jańa onjyldyǵynda elimizdi asqaqtata bereıik», -dep atap ótti Maǵzum Myrzaǵalıev.
