Táýelsizdik jyldarynda elimizde 6 mıllıonnan astam adam dúnıege keldi
ASTANA. 13 jeltoqsan. QazAqparat - Sońǵy 22 jylda Qazaqstandaǵy demografııalyq ahýal túbegeıli ózgerdi. 1992 jyly bastalǵan halyq sanynyń tómendeý úrdisi 2002 jyly aıaqtaldy.
«Táýelsizdiktiń alǵashqy on jylynda halyq sany 1,6 mln. adamǵa tómendedi, bul eń birinshi halyqtyń keıbir bóliginiń ózderiniń tarıhı otandaryna ketýine baılanysty, ótpeli kezeńde ólim-jitimniń kóp bolýy jáne týýdyń tómen deńgeıine baılanysty boldy. 2002 jyldan bastap halyq sany eń aldymen tabıǵı ósim esebinen ósimniń turaqty úrdisine ıe boldy, al 2004 jyldan bastap kóshi-qon ósimine de baılanysty qalyptasty. Qoryta kelgende, táýelsizdik jyldarynda elimizdiń halyq sany jalpy 673 myń adamǵa nemese 4,1%-ǵa artty», - delingen QR Statıstıka agenttiginiń málimetinde.
Táýelsizdik jyldarynda elimizde 6 mln.-nan astam adam dúnıege keldi jáne tabıǵı ósim 3 mıllıonǵa jýyq boldy. 1997 jyldan bastap ólim-jitim birte-birte tómendep, aǵymdaǵy jyldyń 10 aıynda ólim-jitimniń jalpy koeffıtsıenti 1000 adamǵa 8,16 bolyp tómendedi.
Esterińizge sala keteıik, 2013 jylǵy 1 qarashadaǵy jaǵdaı boıynsha elimizdegi halyq sany 17 125,0 myń adamǵa jetti, sonyń ishinde qalalyqtar - 9 422,0 myń (55%), aýyldyqtar - 7 703,0 myń adamdy (45%) qurady.
