Táýelsizdik jyldarynda Atyraý oblysynda 250 myńnan astam jumys orny ashyldy
Bul týraly Tuńǵysh Prezıdenti kúnine oraı ótken saltanatty sharada oblys ákimi Mahambet Dosmuhambetov málim etti.
«Halqymyz úshin azattyqtan asqan qundylyq joq. San ǵasyrdan beri saryla kútken sanadaǵy murat jańa dáýirde jasampaz qýatqa aınaldy. Tuńǵysh Prezıdent Nursultan Nazarbaev aıtqandaı: «Táýelsizdik dáýiri degenimiz – ulttyń buryn ótýi múmkin emesteı kórinetin shyńyraýdyń shetindegi taýdyń qaterli soqpaǵymen júrgenmen birdeı qubylys. Alaıda, biz ony da baǵyndyra aldyq». Elbasy bastaǵan býyn álemge jáne bolashaq urpaqqa Táýelsiz Qazaqstan atty jasampazdyqtyń uly jemisin usyndy» -dedi oblys ákimi Mahambet Dosmuhambetov.
Ákim táýelsizdik jyldarynda munaıly óńirdiń ósip-órkendeýine toqtaldy.
«Táýelsizdikpen birge Atyraý oblysy da buryn-sońdy bolmaǵan jetistiktirge qol jetkizdi. Halyqtyń turmys sapasyn jaqsartý eń basty mindetimiz boldy. Osy jyldarda óńirdegi jumyssyzdyq deńgeıi 15,5%-dan 4,9%-ǵa deıin tómendedi. 1994 jyly óńirde belsendi jumys kúshi 175 myń adam bolǵan. Al, bıyl 334 myńǵa deıin jetti» -dedi M.Dosmuhambetov.
Onyń málim etýinshe, oblysta turǵyndardyń tabıǵı gazben qamtylýy 12-den 99,7 protsentke deıin, al, ortalyqtandyrylǵan sýmen qamtý kórsetkishi 35-ten 99 protsentke deıin artqan. Sondaı-aq, 100 myńnan astam otbasy baspanaly bolyp, 12 mln sharshy metr turǵyn úı paıdalanýǵa berilgen.
«Egemendik alýymyzben birge elimizdiń altyn dáýiri bastaldy. Osy kezeń ishinde biz talaı tarıhı belesti baǵyndyrdyq. Buǵan ár aımaqtyń qosqan úlesi zor. Onyń ishinde Atyraý oblysynyń orny bólek ekenin maqtanyshpen aıtýymyz kerek. Muny Elbasy Nursultan Nazarbaevtyń: «Atyraý Qazaqstannyń óz táýelsizdigin alǵannan beri qalaı damyǵanynyń sımvoly bolyp sanalady» degen sózi qýattaı túsedi» -dep málim etti oblys ákimi.
Qazaqstannyń eńbek sińirgen qaıratkeri, jazýshy, kompozıtor, Atyraý oblysynyń Qurmetti azamaty Іlıa Jaqanov pen táýelsizdik qurdastary pikirin bildirdi. Ulybrıtanııada bilim alǵan, qazir NKOK kompanııasynda ınjener bolyp jumys isteıtin Berik Ýap salaǵa kelýin tarıhı oqıǵamen baılanystyrdy. Ol 2000 jyly Elbasy Nursultan Nazarbaevtyń «Qashaǵan» ken ornynan alynǵan munaıdy betine jaqqanyn sátin áńgimeledi.
Merekege oraı ótken is-sharada oblystyń órkendeýine úlesin qosyp bir top azamat alǵys hatpen marapattaldy.
Eske sala ketelik, buǵan deıin Atyraý mýzeıinde qos mereke qarsańynda ekspozıtsııalyq zaldar ashylǵanyn jazǵan edik.
