Táýelsizdik jyldarynda Aqtóbe oblysynda 146 eldi-mekenniń ejelgi ataýlary qaıtarylǵan
ASTANA. QazAqparat - Táýelsizdik jyldarynda Aqtóbe oblysynda 146 eldi-mekenniń ejelgi ataýlary qaıtarylǵan. Bul týraly Óńirlik kommýnıkatsııalar qyzmetindegi baspasóz máslıhaty barysynda oblystyq tilderdi damytý basqarmasynyń basshysy Gúlaıym Tólebaeva aıtty, dep habarlaıdy QazAqparat.
Basqarma basshysynyń aıtýynsha, osy kezde respýblıkanyń belgili saıasatkerleriniń, jergilikti belsendilerdiń, ólketanýshylar men turǵyndardyń qatysýymen «Týǵan jer» jobasy aıasynda Mártók, Qobda, Qarǵaly jáne Áıteke bı aýdandarynda «Onomastıka: ulttyq tanymǵa betburys» taqyrybyna is-sharalar júrgizilýde.
«Joba qazaq halqynyń murasyn saqtaý ıdeıalaryn talqylaýdy, onomastıka salasyndaǵy til saıasatyn túsindirýdi kózdeıdi. Sol sııaqty, ıdeologııalyq jaǵynan eskirgen ataýlarǵa anyqtamaǵa berýge múmkindik beredi», - dep atap ótti spıker.
Gúlaıym Tólebaevanyń aıtýynsha, oblystyń toponomııalyq sózdigi júrgiziletin «Mekenjaı tizilimi» aqparattyq júıesinde oblystyq mańyzdaǵy 1 qala, aýdandyq mańyzdaǵy 7 qala, 141 aýyldyq okrýg, 393 eldi-meken, 2912 kóshe tirkelgen.
Osylaısha, aýyldyq okrýg ataýlarynyń 95%, eldi-mekender ataýlarynyń 93 %, kóshelerdiń 91% ulttyq sáıkestikke jaýap beredi. Táýelsizdiń jyldary 146 eldi-mekenniń ejelgi ataýlary qaıtaryldy, ásirese, ulttyq dástúrli ataýlar (Qarabulaq, Kókpekti, Qaratoǵaı, Qumsaı, Aqqaıyn, Bóztóbe, Aqjaıyq, Sarybulaq t.s.s.) sany artty.
