Táýelsizdik jyldarynda 170 myńnan astam medıtsınalyq qyzmetker biliktilikterin arttyryp, qaıta daıarlaý kýrstarynan ótti
ASTANA. QazAqparat - 1991-2015 jyldary qaıta daıarlaý men jetildirý kýrstaryna 170 779 dáriger, provızorlar, orta medıtsınalyq qyzmetkerler, densaýlyq saqtaý salasynyń menedjerleri, sanıtarlyq-epıdemıologııalyq qyzmettiń mamandary qatysty, dep habarlady www.pm.kz.
Sońǵy 10 jylda mamandyqtar sany úsh esege ulǵaıdy. Búgingi tańda magıstratýra 3 mamandyq, rezıdentýra 27 mamandyq boıynsha bilim beredi. Atalǵan baǵyttar ashylǵannan bastap 7 jyldyń ishinde 159 magıstrant pen 919 rezıdent daıyndaldy.
Almatynyń emdeý-profılaktıkalyq uıymdarynda QazUBBÝ-nyń 70 klınıkalyq bazasy bar. Onda ýnıversıtet mamandary emdeý-dıagnostıkalyq jáne konsýltatıvtik kómek kórsetedi.
«Sońǵy 25 jylda 340 myńnan astam patsentter emdelip, 900 myńnan astam adamǵa konsýltatıvtik qyzmet kórsetildi, 130 myńnan astam adamǵa ota jasaldy», - delingen QR DSÁDM habarlamasynda.
QazUBBÝ-nyń birneshe kafedralary joǵary mamandandyrylǵan medıtsınalyq kómek kórsetip keledi. Máselen, 2015 jyly 897 patsıentke atalǵan medıtsınalyq kómek kórsetilgen bolatyn.
