Táýelsizdik jyldary tarıhı, mádenı muramyzǵa baılanysty 500-den astam jańa derekter jınaldy - Islam Jemeneı
ALMATY. 29 mamyr. QazAqparat - Tarıhı, mádenı muramyzǵa baılanysty jınalǵan kóptegen derekter áli kúnge deıin ulttyq turǵydan saralanbaı kele jatyr.
S. Demırel atyndaǵy ýnıversıtettiń professory, fılologııa ǵylymdarynyń doktory Islam Jemeneı keshe Almatyda ashylǵan «XII-XIX ǵasyrlardaǵy Ortalyq Azııadaǵy qoljazba kitaptar» kórmesinde osylaı málim etti.
«Mádenı mura» baǵdarlamasynyń arqasynda qazir tarıhı, mádenı muramyzǵa baılanysty 500-den astam jańa derekter jınaldy. Olardy ózge eldiń zertteýshileri tek óz dúnıetanymy turǵysynan ǵana paıdalanyp kelgen. Tarıhymyz ben mádenıetimizdiń bilikti mamandary endi oǵan ulttyq múdde turǵysynan baǵa berýi tıis», - deıdi I. Jemeneı. Ǵalymnyń aıtýynsha, bul bir jylda júzege asatyn jumys emes. Olardy qazaqshaǵa aýdaryp, ǵylymı aınalymǵa engizý úrdisi jańa bastaldy. Al sanany ózgertý birte-birte júzege asatyn úderis.
