Táýelsizdik jyldary ShQO-nyń mádenıet salasy qalaı damydy
ShQO Mádenıet arhıvter jáne qujattama basqarmasynyń málimetinshe, 1991-2021 jyldar aralyǵynda óńirde osy salanyń turaqty damýy úshin 110 mıllıard teńgeden astam qarjy jumyldyrylǵan. Osy jyldar ishinde aımaqtaǵy mádenıet jáne óner nysandary kóbeıdi. Búgingi tańda mundaı 630-dan astam nysan bar. Olardyń quramyna kitaphanalar, mýzeıler, Dostyq úıleri, teatrlar, kınoteatrlar, kontsert zaldary men saıabaqtar kiredi.
«Jańa mádenıet nysandaryn qaıta qurý men salýǵa erekshe nazar aýdarylǵan. Tek sońǵy onjyldyqta 170 mádenıet obektilerinde jóndeý-qalpyna keltirý jumystary júrgizildi. Qazirgi ýaqytta taǵy birneshe nysannyń qurylysy júrip jatyr», - delingen aqparatta.
Aımaq basshysy Danıal Ahmetovtyń qoldaýymen «Abaı álemi» kitap serııasymen 44 myńǵa jýyq kitap jaryq kórdi. Bul kitaptar óńir kitaphanalaryna taratylyp, onyń sandyq kóshirmeleri Qazaqstan ulttyq elektrondyq kitaphanasynda ornalastyrylǵan.
«Óskemendegi A.S. Pýshkın atyndaǵy oblystyq kitaphana Qazaqstandaǵy kitaphanalardyń arasynda birinshi bolyp «Bizdiń Abaı« tolyq mátindi elektrondy kitaphanasyn qurdy. Qazaqstan táýelsizdik alǵannan beri kitaphanalar merzimdi basylymdar men kitaptarǵa qol jetkizýge bolatyn orynǵa ǵana emes, zamanaýı standarttarǵa sáıkes jabdyqtalǵan mádenı jáne demalys ortalyqtaryna aınaldy», - delingen habarlamada.
