Táýelsizdik jyldary ShQO-da 5,7 myń sharshy metr turǵyn úı paıdalanýǵa berilgen
ÓSKEMEN. QazAqparat - 65 myń shyǵysqazaqstandyq otbasy Táýelsizdik jyldary óz turǵyn úı jaǵdaılaryn jaqsartyp aldy. 25 jyl ishinde óńirde qarjylandyrýdyń barlyq kózderi esebinen 5 mln 746 myń sharshy metr turǵyn úı berilgen, dep habarlaıdy «QazAqparat» HAA tilshisi.
Turǵyn úı qurylysy ekonomıkalyq damýdyń ózindik otarbasy jáne halyqtyń ómir súrý deńgeıiniń kórsetkishi dep esepteledi. Turǵyn úı qurylysy Qazaqstanyń 2030 jylǵa deıingi damý strategııasynyń basym baǵyttarynyń biri retinde tanylǵan jáne jalpy ulttyq sıpattaǵy anaǵurlym mańyzdy mindetterdiń biri bolyp tabylady.
Turǵyn úı qurylysy salasyndaǵy qolaıly úrdisti qalyptastyrý memlekettik baǵdarlamany iske asyrýǵa jáne áleýmettik-ekonomıkalyq kórsetkishterdi nyǵaıtýǵa yqpal etti. Búgingi kúni Turǵyn úı qurylysy «Óńirlerdi 2020 jylǵa deıin damytý», «Nurly jol», «Jumyspen qamtýdyń jol kartasy - 2020» memlekettik baǵdarlamalarynyń sheńberinde júzege asyrylady.
Óńirlik qurylys basqarmasynyń aqparaty boıynsha 2016 jyly barlyq qarjylandyrý kózderi esebinen jalpy alańy 630,2 sharshy metr 104 kóp páterli turǵyn úı, 8 136 páter men 24 nysannyń qurylysy júrgizilýde.
