Táýelsizdik jyldary Qazaqstannyń halyqaralyq rezervteri 90 mlrd dollardan asty

NUR-SULTAN. QazAqparat – 30 jylda Qazaqstanǵa 370 mlrd dollardan astam tikeleı sheteldik ınvestıtsııa tartyldy. Bul týraly Prezıdent Qasym-Jomart Toqaev QR Táýelsizdiginiń 30 jyldyǵyna arnalǵan saltanatty jıynda málim etti, dep habarlaıdy QazAqparat.

«Aýqymdy reformalardyń arqasynda otandyq ekonomıkanyń kólemi naqty mánde 2,5 ese ulǵaıdy. Halyqtyń jan basyna shaqqandaǵy jalpy ishki ónimi dollar ekvıvalentinde 13 eseden astam ósti. Bul bizdiń eldi Ortalyq Azııada sózsiz kóshbasshy etti.

Qazaqstanǵa 370 mlrd dollardan astam tikeleı sheteldik ınvestıtsııa tartyldy. Bul kórsetkish boıynsha jan basyna shaqqanda biz barlyq postkeńestik keńistik pen birqatar Shyǵys Eýropa elderinen ozamyz. Qazaqstannyń halyqaralyq rezervteri 90 mlrd dollardan asady», - dedi Memleket basshysy.

Onyń aıtýynsha, elimiz óńirlerdi, kólik ınfraqurylymyn, áleýmettik salany damytýda eleýli tabystarǵa qol jetkizip, sonyń arqasynda 13 myń shaqyrym avtojol men 2 700 shaqyrym temir jol salyndy jáne rekonstrýktsııalanǵan.

Aıta keteıik, búgin Memleket basshysy Qasym-Jomart Toqaevtyń qatysýymen QR Táýelsizdiginiń 30 jyldyǵyna oraı saltanatty jıyn ótip jatyr.

Saltanatty is-sharaǵa QR Tuńǵysh Prezıdenti – Elbasy Nursultan Nazarbaev, Úkimet músheleri, Parlament depýtattary, mádenıet jáne qoǵam, óner, sport qaıratkerleri, zııaly qaýym ókilderi qatysyp otyr.