Táýelsizdik jyldary Qazaqstanda 500-den astam densaýlyq saqtaý nysandary salyndy - Memlekettik hatshy
ASTANA. 15 maýsym. QazAqparat - Táýelsizdik jyldary Qazaqstanda 500-den astam densaýlyq saqtaý nysandary salyndy.
Bul týraly búgin Astanadaǵy Kongress holl saraıynda medıtsına qyzmetkerleriniń tól merekesine oraı ótken mereıtoılyq keshte QR Memlekettik hatshysy Muhtar Qul-Muhammed málim etti.
«Elbasy N. Á. Nazarbaevtyń tapsyrmasymen Táýelsizdik jyldary ult saýlyǵyna, densaýlyq salasyn damytýǵa, onyń ınfraqurylymyn jetildirip, álemdik medıtsınadaǵy eń úzdik tehnıka men tehnologııany engizýge erekshe mán berilip keledi. Elbasy tapsyrmasymen 500-ge jýyq medıtsınalyq mekemeler salynyp, sala qyzmetkerleriniń jalaqylary turaqty túrde ósip keledi. Tek sońǵy 5 jyldyń ishinde memlekettik bıýdjettiń osy salaǵa bólinetin qarjysy 4 esege ulǵaıdy. 4 myńǵa jýyq medıtsınalyq uıymdar kúrdeli jóndeýden ótti», - dep atap kórsetti ol elimizdiń dárigerlerin quttyqtaý kezinde.
Onyń aıtýynsha, Táýelsizdik jyldary Qazaqstanda bala týý kórsetkishteri artyp, ólim-jitim azaıǵan, adamnyń ortasha ómir súrý jasy ulǵaıǵan.
«Dúnıedegi eń qymbat qundylyq - adam jáne onyń densaýlyǵy. Bul - barsha álem elderiniń Konstıtýtsııasynda jazylǵan jalpy adamzattyq qaǵıda. Endeshe dúnıejúziniń qaı memleketinde bolmasyn, adam men adam densaýlyǵyna jaýap beretin barsha dárigerlerdiń mamandyǵy - eń qymbat mamandyq dep bilemin», - dep atap ótti M. Qul-Muhammed.
