Táýelsizdik jyldary Qazaqstan mádenıetiniń naǵyz renessenstyq dáýiri boldy - N. Nazarbaev
ASTANA. 21 maýsym. QazAqparat - Táýelsizdik jyldary Qazaqstan mádenıetiniń naǵyz renessenstyq dáýiri boldy. Búgin elordada «Astana-Opera» memlekettik opera jáne balet teatrynyń ashylýy barysynda sóz sóılegen Memleket basshysy Nursultan Nazarbaev osylaı málimdedi.
«Biz talantty halqymyz ózderiniń shyǵarmashylyq áleýetin barynsha ashýǵa múmkindigi bolatyn jaǵdaılardy jasaımyz. Táýelsizdik jyldary Qazaqstan mádenıetiniń naǵyz renessenstyq dáýiri boldy. Osy jyldar ishinde biz mádenı mekemeler jelisin keńeıttik. Búgingi kúni olardyń sany elimizde 41 respýblıkalyq, 7 myńnan astam jergilikti mekemelerdi qamtyp otyr, al olarda 75 myńnan astam adam jumys isteýde», - dedi N. Nazarbaev.
Sonymen qatar, Memleket basshysy 2012 jyly mádenıet salasyna jumsalǵan shyǵyndar 35,5 mlrd. teńgeni quraǵanyn atap ótti.
«Meniń tapsyrmam boıynsha Astanada Qazaq ulttyq muraǵaty salynyp jatyr. Ol aǵymdaǵy jyldyń sońyna taman ashylatyn bolady», - dedi Elbasy.
