Táýelsizdik jyldary Qazaqstan halqy 427 myń adamǵa ósti
ASTANA. 13 jeltoqsan. QazAqparat - Táýelsizdik jyldary Qazaqstan halqy 427 myń adamǵa ósti. Bul týraly Búgin QR Statıstıka agenttiginiń tóraǵasy Álıhan Smaıylov málim etti.
«Sońǵy 20 jylda Qazaqstandaǵy demografııalyq ahýal túbegeıli ózgerdi. 1992 jyly bastalǵan halyq sanynyń tómendeý úderisi 2002 jyly aıaqtaldy. Táýelsizdiktiń alǵashqy on jylynda halyq sany 1,6 mıllıon adamǵa tómendedi. Bul eń birinshi halyqtyń keıbir bóliginiń ózderiniń tarıhı otandaryna oralýYna, ótpeli kezeńde ólim-jitimniń kóp bolýy men týýdyń tómen deńgeıine baılanysty boldy», - dedi ol.
Agenttik tóraǵasynyń aıtýynsha, 2002 jyldan bastap halyq sany ósiminiń turaqty úrdiske aınalǵan. Ol eń birinshiden tabıǵı ósimge, ekinshiden 2004 jyly bastalǵan kóshi-qon ósimine baılanysty qalyptasqan.
«Qoryta kelgende táýelsizdik jyldarynda elimizdiń halyq sany jalpy 427 myń adamǵa nemese 2,6 paıyzǵa artty», - dedi Á.Smaıylov.
