Táýelsizdik jyldary elimizde adam quqyǵyn qorǵaýdyń tutastaı ulttyq ınstıtýty qalyptasty - M.Tájın
Elimizdiń Konstıtýtsııasynda memlekettiń eń qymbat qazynasy -adam jáne adamnyń ómiri, onyń quqyqtary men bostandyqtary ekeni erekshe atap kórsetilgendigin basa aıtqan Memlekettik hatshy: «Biz osy talaptardy Ata Zańymyzda belgilengen demokratııalyq, zaıyrly, quqyqtyq jáne áleýmettik memleket retinde qoǵamda barynsha ornyqtyryp kelemiz. Táýelsizdik jyldarynda elimizde adam quqyǵyn qorǵaýdyń tutastaı ulttyq ınstıtýty qalyptasty», - dedi.
M.Tájınniń atap ótýinshe, atalǵan saladaǵy halyqaralyq uıymdarmen, onyń ishinde Birikken ulttar uıymymen berik baılanys ornatylǵan.
«Soǵan oraı respýblıkamyzda jalpy adamzattyq qundylyqtardy qalyptastyrýǵa qatysty eleýli jumystar atqarylýda. Ótkizilip otyrǵan búgingi aýqymdy shara osy ıgilikti istiń taǵy bir nátıjeli qadamy dep bilemin», - dedi ol.
