Táýelsizdik jyldary Elbasynyń qamqorlyǵy arqasynda azat aqparat keńistigi qalyptasty - Memlekettik hatshy

Búgin Aqordada QR Prezıdentiniń BAQ salasyndaǵy syılyqtary men granttaryn tabys etken elimizdiń Memlekettik hatshysy Muhtar Qul-Muhammed osylaı dedi.

«Táýelsizdik jyldary Elbasynyń qamqorlyǵy arqasynda azat aqparat keńistigi qalyptasty dep nyq senimmen aıta alamyz. Keńes Odaǵy tusynda qalalyq deńgeıdegi gazet ashý úshin tek Máskeýdiń ruqsaty kerek bolatyn. «Almaty aqshamy» gazetin ashý úshin qansha mashaqattyń qajet bolǵandyǵyn aǵa býyn jýrnalıster umyta qoımaǵan bolar dep oılaımyn. Búginde kez kelgen gazet, jýrnal  ashý úshin ony Mádenıet jáne aqparat mınıstrliginde tirkeýden ótkizse jetkilikti. Budan artyq qandaı erkindik qajet. Endeshe qalam ustaǵan qaýym osy qamqorlyqty qadirleı bilýi kerek. Azat eldiń aqparat quraldary ultty uıystyrýǵa, alýan ult ókilderin bereke-birlikke shaqyrýǵa, Elbasynyń zor senimin aqtaýǵa qyzmet isteýi tıis dep esepteımin», - dedi ol.

Sonymen qatar Memlekettik hatshy búgingi tańda elimizde 2514 gazet-jýrnaldyń, 238 elektrondy BAQ-tyń, onyń ishinde 100-ge jýyq telearnalar men radıostansalardyń jumys istep turǵandyǵyn basa aıtty.

M.Qul-Muhammed sóziniń sońynda jýrnalısterdi el ómirinde ótip jatqan oqıǵalardan syrt qalmaı, oǵan belsendi aralasýǵa shaqyrdy. Sonymen qatar olarǵa jańa shyǵarmashylyq jetistikter, qalamynyń qarymdy bolýyn ári elimiz ben barsha qazaqstandyqtardyń ıgiligi úshin zor tabystar tileıtindigin jetkizdi.