Táýelsizdik jyldary el ekonomıkasyna quıylǵan tikeleı shetel ınvestıtsııasy 159 mlrd. AQSh dollarynan asyp tústi
ASTANA. 13 jeltoqsan. QazAqparat - Táýelsizdik jyldary el ekonomıkasyna quıylǵan tikeleı shetel ınvestıtsııasy 159 mlrd. AQSh dollarynan asyp tústi. Bul týraly búgin QR Statıstıka agenttiginiń tóraǵasy Álıhan Smaıylov málim etti.
Onyń atap ótýinshe, Táýelsizdik jyldaryndaǵy ınvestıtsııalyq qyzmette oń serpin baıqalady. QR Ulttyq Banki derekteri boıynsha tikeleı shetel ınvestıtsııalarynyń jalpy aǵymy 1993 jyldan bastap 2012 jylǵy І jartyjyldyqtaǵy kezeńge deıin 159 mlrd. AQSh dollarynan asyp tústi. 1991 jyldan bastap 2012 jylǵy qańtar-qarashaǵa deıin negizgi kapıtalǵa salynǵan ınvestıtsııalarǵa qarajat salymdary 38,7 trln. teńgeni qurady.
«Negizgi kapıtalǵa ınvestıtsııalardyń aǵylýy qolaıly ınvestıtsııalyq ahýaldyń qurylýymen baılanysty jáne ekonomıkalyq ósimniń negizi bolyp tabylady», - dedi ol.
