Táýelsizdik jyldary Atyraý oblysyna 31 trln teńge ınvestıtsııa tartylǵan
Bul týraly Atyraý oblysynyń ákimi Mahambet Dosmuhambetov Ortalyq kommýnıkatsııalar qyzmetinde ótken brıfıngte aıtty.
«Táýelsizdik jyldary búkil elimizben birge Atyraý óńiri de qarqyndy damyp, jasampazdyq qýaty eselep artty. Oblysymyzdyń damýyn aıqyndaıtyn negizgi salalardyń barlyǵynda tyń serpilis bolyp, bıik mejelerge qol jetkizildi. Otyz jyl ishinde 179 bilim berý nysany, 90 densaýlyq saqtaý mekemesi, 37 sport nysany jáne 31 mádenıet nysany men 11,8 mıllıon sharshy metrge jýyq turǵyn úı salyndy»,-dedi
Onyń aıtýynsha, táýelsizdik kezeńinde óńirdegi óndiris óniminiń kólemi 600 mıllıon teńgeden 7,7 trln teńgege deıin ósken. 31 trln teńge ınvestıtsııa tartylyp, 687 mln tonna munaı jáne 308 mlrd tekshe metr ilespe munaı gazy óndirilgen.
«Sondaı-aq táýelsizdik jyldary oblysta 2 200 shaqyrymnan astam avtomobıl joly salynyp, jóndeldi. Oblys turǵyndarynyń tabıǵı gazben qamtamasyz etilýi 12%-dan 99,7%-ǵa deıin, ortalyqtandyrylǵan sýmen jabdyqtaý 35%-dan 99,3%-ǵa deıin ósti.
Osy kezeńde oblys halqynyń sany bir jarym ese artyp, taıaýdaǵy sanaqtyń qorytyndysy boıynsha 665 myń adamǵa jetti», - dedi aımaq ákimi.