Táýelsizdik jyldary Almatyda 450 jekemenshik balabaqsha men 84 mektep ashyldy

NUR-SULTAN. QazAqparat – Táýelsizdktiń 30 jylynda Almaty qalasynda memleket esebinen 61 balabaqsha, 45 mektep salynǵan. Bul týraly qala ákimi Baqytjan Saǵyntaev ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«Táýelsizdik jyldary qala ekonomıkasy 1993 jylǵy 2,1 mlrd teńgeden 2020 jyly 13,5 trln teńgeden deıin ósti. Táýelsizdik alǵan sátten bastap memleket shaǵyn jáne orta bıznesti qoldaýda belsendi ról atqarýda. Nátıjesinde Almatyda jumys istep turǵan ShOB sany 94,6 ese jáne ShOB nysandarynda jumys isteıtinder sany 9,3 ese artty. Halyq sany 1,8 ese ósip, qazir megapolıste eki mıllıonnan astam halyq turady», - dedi qala basshysy.

Onyń málimeti boıynsha, 30 jyldyń ishinde densaýlyq saqtaý uıymdarynyń sany 1,5 ese ulǵaıǵan.

«Qala turǵyndarynyń ómir súrý uzaqtyǵy 74 jasqa jetti. Táýelsizdik jyldarynda bilim alýǵa qoljetimdilik aıtarlyqtaı ósti. Memleket 61 balabaqsha, 45 mektep saldy. Bıznes 450-den astam balabaqsha men 84 mektepti iske qosty. Turǵy úı qurylysynyń kólemi 7,5 ese ulǵaıyp, 26,8 mln sharshy metr turǵyn úı salyndy», - dedi ákim.