Táýelsizdik jyldary Almaty halqynyń sany 76 paıyzǵa ósti
Ulttyq statıstıka bıýrosynyń Almaty qalasy boıynsha departamentiniń málimetine sáıkes, 30 jyl ishinde megapolıs turǵyndarynyń sany 859 myń adamǵa kóbeıdi.
«1991 jyldyń basynda Almaty qalasynda - 1 118,7 myń adam turdy. 2021 jyldyń 1 qańtarynda - 1 977,3 myń adamǵa jetti. 30 jyl ishinde Almaty qalasynyń halqy 859 myń turǵynǵa kóbeıip, 76,8% ósti «, - dep atap ótti departament.
Aıta keteıik, elde 2002 jyldan bastap halyq sany ósiminiń turaqty úrdiske aınaldy. Ol eń birinshiden tabıǵı ósimge, ekinshiden 2004 jyly bastalǵan kóshi-qon ósimine baılanysty qalyptasty.
Halyq sanyna qatysty naqty derekti halyq sanaǵy usynady. 2020 jyldyń qazan aıynda elde úshinshi halyq sanaǵy ótti. Zertteýler ár 10 jyl saıyn júrgiziledi.
«Respýblıka halqynyń jalpy sanyndaǵy Almaty qalasy halqynyń úlesi 10,5% qurady jáne basqa aımaqtarmen salystyrǵanda Túrkistan (10,8%) jáne Almaty (11%) oblystarynan tómen. 2021 jyldyń 1 sáýirindegi jaǵdaı boıynsha halyq sany- 1 989 931 adamdy quraıdy»,- dep habarlady vedomstvadan.